पर्यटकांवर भोर पोलिसांचा कारवाईचा बडगा

महूडे : भोर शहरात व ग्रामीण भागातील कोरोना आजाराचा वाढता प्रादुर्भाव लक्षात घेऊन पर्यटनस्थळी गर्दी करण्यास बंदी करण्यात आली. मात्र, असे असतानाही अनेक पर्यटकांनी भोर तालुक्यातील पर्यटनस्थळी गर्दी केली. जवळपास १७० पर्यटकांवर कारवाई करत पोलिसांनी त्यांच्याकडून ८५ हजारांचा दंड वसूल केल्याची माहिती पोलीस निरीक्षक प्रवीण मोरे यांनी दिली.

भोर पोलीस ठाण्यातर्फे भोर शहरात व ग्रामीण भागात कोरोना प्रतिबंधात्मक उपाय म्हणून व शासनाच्या नियमाचे उल्लंघन करणारे तसेच मास्क न वापरणारे, विनामस्क गर्दीत वाहन चालविणारे, विनाकारण फिरणारे, पर्यटनस्थळांवर बंदी असताना वीकेंडच्या दिवशी १७० जणांवर कार्यवाही करण्यात आली. पर्यटनस्थळांवर बंदी असतानाही पळवाट काढीत होते. शेजारील गावातील आहे, असे सांगून पोलीस कर्मचाऱ्यांशी पर्यटक हुज्जत घालत होते. यावेळी १७० जणांवर पोलिसांनी कारवाई केली. त्यांच्या ८५ हजार रुपयांचा दंड वसूल करण्यात आला.

भोरचे पोलीस निरीक्षक प्रवीण मोरे यांच्या मार्गदर्शनाखाली राजेंद्र पवार, बळीराम सागले, अशोक खुटवड पोलीस नाईक अनिल हिप्परकर, सुभाष गिऱ्हे, अप्पा हेगडे, जाधव, अमोल मुऱ्हे, शिवाजी काटे, राहुल मखरे, प्रमिला निकम, चव्हाण, दामिनी दाभाडे, होमगार्ड इत्यादी उपस्थित होते.

चौकट

पर्यटनस्थळावर जाण्यास बंदी आहे. शासन नियमांचे पालन करावे. नागरिकांनी विनाकारण फिरू नये. तसेच मास्कचा वापर करावा. सार्वजनिक ठिकाणी गर्दी करू नये. अन्यथा कायदेशीर कार्यवाही करण्यात येईल, अशी सूचना करून ही नागरिक फिरताना दिसत होते. यामुळे ही कारवाई करण्यात आली.

फोटो : विनामास्क व विनाकारण फिरणारे यांच्यावर कार्यवाही करताना पोलीस कर्मचारी.