कोरोनाच्या पार्श्वभूमीवर सादर होणाऱ्या आयुक्तांच्या बजेटकडे लक्ष

पुणे : कोरोना आपत्तीमुळे आर्थिक संकटात गेलेले गेली दहा महिने, विकास कामांना बसलेली खीळ व तुटपुंजे उत्पन्नाचे मार्ग, या सर्व पार्श्वभूमीवर पुणे महापालिका आयुक्त विक्रम कुमार आज ( २९ जाने.) सादर करणार आहे.

कोरोना आपत्तीतून आता कुठे अर्थ व्यवस्था सावरत असताना, रखडलेली विकास कामे करताना कोणती कर वाढ मिळणार की, सवलत देणार ? याकडे आता सर्वांचे लक्ष लागले आहे.

सन २०२०-२१ या आर्थिक वर्षाच्या पहिल्या दहा महिन्यांत महापालिकेस केवळ ३ हजार २८५ कोटींचा महसूल मिळाला असून, आतापर्यंत त्यातील तब्बल २ हजार ९९३ कोटी रुपये खर्चही झाले आहेत. त्यामुळे पालिकेच्या तिजोरीत जेमतेम २५० ते ३०० कोटी रुपयेच शिल्लक आहेत. या शिलकीवर महापालिका आयुक्त विक्रम कुमार उद्या आगामी २०२१-२२ या आर्थिक वर्षाचे अंदाजपत्रक सादर करणार आहेत.

-----