Ajit Pawar Death, Mother Ashatai Pawar: महाराष्ट्र राज्याचे उपमुख्यमंत्री अजित पवार यांचा बुधवारी विमान अपघातात मृत्यू झाला. सकाळच्या सुमारास त्यांचे विमान मुंबईतून बारामतीकडे निघाले. बारामतीत विमान लँडिंग होणारच होते, त्यावेळी तांत्रिक बिघाडामुळे ८.४५ वाजता बारामती विमानतळाजवळ त्यांचे चार्टर्ड विमान कोसळले. प्रत्यक्षदर्शींच्या माहितीनुसार, विमान कोसळल्यानंतर काही स्फोट झाले आणि मग भीषण आग लागून धुराचे लोट दिसू लागले. या घटनेनंतर काही वेळातच ते विमान अजित पवारांचे असल्याचे समजले. याचदरम्यान, अजित पवारांच्या आई टीव्ही पाहत होत्या. त्यावेळी काय घडले, याची माहिती समोर आली आहे.
अजित पवारांच्या आई तेव्हा टीव्ही पाहत होत्या...
अजित पवार यांचे विमान बारामतीत कोसळले. विमानात एकूण ५ जण होते. ते सर्वजण गंभीर जखमी झाले असावेत, हे अपघाताची परिस्थिती पाहताच स्पष्ट झाले होते. या अपघाताचे रिपोर्टिंग टीव्ही चॅनेलवरही सुरु झाले होते. याचवेळी अजित पवारांच्या मातोश्री आशाताई पवार टीव्ही पाहत होत्या. अपघाताच्या वेळी त्या बारामतीतील फार्महाऊसमध्ये होत्या. जेव्हा टीव्हीवर बातम्या सुरु झाल्या, त्यावेळी अजितदादांच्या मातोश्रींना या बातम्या कळू नयेत आणि त्यांना धक्का बसू नये, म्हणून फार्महाऊसची केबल कट करण्यात आली. फार्महाऊसचे व्यवस्थापक संपत धायगुडे म्हणाले की, आशा ताईंनी विचारले- दादांचा अपघात झाला का? आईला तिच्या मुलाच्या मृत्यूची बातमी मिळू नये म्हणून आम्ही ताबडतोब बंगल्यातील टीव्ही केबल कापली. त्यांचा मोबाईल फोनही फ्लाइट मोडवर ठेवला होता. आम्ही त्यांना सांगत होतो की काहीही झाले नाही.
शेवटपर्यंत कामात व्यग्र; अपघातस्थळी कागदांचा ढीग
अजित पवार दर मंगळवारी आपल्या मंत्री आणि आमदारांची 'देवगिरी' या शासकीय निवासस्थानी बैठक घेत. मंत्रालयातील बैठका आटोपून देवगिरीवर परतलेल्या अजित पवारांनी त्यानंतर नेहमीप्रमाणे मंत्री आणि आमदारांची बैठक घेतली. या बैठकीत राज्यातील जिल्हा परिषदेच्या निवडणुकीच्या अनुषंगाने त्यांनी पक्षाची तयारी आणि इतर बाबींचा आढावा घेतला. त्यानंतर ते बुधवारी सकाळी निघाले. त्यांच्या विमानाचा अपघात झाला तेव्हा आजुबाजूला अनेक कागदपत्रांचा ढीग पडला होता. त्यावरूनच पुन्हा एक स्पष्ट झाले की, लोकांसाठी कामाचा माणूस शेवटच्या श्वासापर्यंत काम करत राहिला.
Web Summary : A false report of Ajit Pawar's plane crash deeply affected his mother. Staff immediately cut the TV cable to prevent her from seeing the news and hid the truth about the incident. He was busy with work until his last moments.
Web Summary : अजित पवार के विमान दुर्घटना की झूठी खबर से उनकी मां बहुत प्रभावित हुईं। कर्मचारियों ने उन्हें खबर देखने से रोकने के लिए तुरंत टीवी केबल काट दिया और घटना के बारे में सच्चाई छिपाई। वह अंतिम समय तक काम में व्यस्त थे।