शिरूर तालुक्यात ५० हजार बालकांना पोलिओ लस

शिरूर तालुक्यातील ५० हजार ४९

शून्य ते पाच वर्षांप्च्या लहान मुलांना पोलिओ लसीकरण (डोस) पाजण्यात येणार आहे. यासाठी शिरूर तालुक्यात २९० टीम प्रमाणे प्रत्येकी तीन लोक असे एकूण ८७० कर्मचारी त्यात ग्रामीण रुग्णालयाचे, प्राथमिक रुग्णालयांचे, कर्मचारी, नर्सेस ब्रदर्स, अंगणवाडी सेविका, मदतनीस, आशा वर्कर्स, डॉक्टर्स यांच्या मदतीने संपूर्ण तालुकाभर पोलिओ लसीकरण करण्यात आले. ज्या बालकांना आज लसीकरणाच्या दिवशी लसीकरण घेतले नाही, त्यांना या पुढील पाच दिवस वरील कर्मचाऱ्यांच्या मदतीने गृहभेटी देऊन लसीकरणाची मोहिम राबवण्यात येत आहे. आपल्या घरच्या, शेजारच्या, परिसरातल्या पाच वर्षांपर्यंतच्या प्रत्येक बालकाला लस पाजली जाईल, याची खात्री करावी, असे आवाहनही शिरूर तालुका वैद्यकीय अधिकारी दामोदर मोरे यांनी केले.