चेन्नई : तामिळनाडूमध्ये गेल्या महिनाभरापासून जी शक्यता वर्तविण्यात येत होती ती सोमवारी खरी ठरून अभिनेत्री खुशबू सुंदर हिने काँग्रेसला रामराम ठोकून भाजपमध्ये प्रवेश केला. तामिळनाडू विधानसभेच्या आगामी निवडणुका पुढील वर्षी मे महिन्यात होणे अपेक्षित असले तरी भाजपसह सर्वच पक्षांनी आतापासून पूर्वतयारी सुरू केली आहे.
खुशबू सुंदरने काँग्रेसच्या सदस्यत्वाचा राजीनामा पक्षाध्यक्ष सोनिया गांधी यांच्याकडे पाठविला. त्या पत्रात खुशबूने म्हटले आहे की, जनतेशी काडीचाही संपर्क नसलेल्या काही वरिष्ठ काँग्रेस नेत्यांनी माझी मुस्कटदाबी करण्याचा प्रयत्न केला.