मीरा रोड : कायदा आम्ही मानत नाही. आचारसंहितेचेसुद्धा बघून घेऊ, असे वक्तव्य मीरा रोड येथे रामनवमीच्या एका कार्यक्रमात करणारे शिवसेना नेते संजय राऊत यांना आचारसंहिता पथकाने क्लीन चिट दिली आहे. खा. राऊत यांनी आचारसंहितेचा भंग केला नसल्याचा अहवाल या पथकाने पोलिसांना दिला आहे. या कार्यक्रमावेळी उपस्थित असलेल्या छायाचित्रण पथकाकडे आचारसंहिता पथकाकडून विचारणा करण्यात आली होती. भरारी पथकाने पोलिसांना राऊत यांच्या भाषणात आणि राननवमीच्या कार्यक्रमात आचारसंहितेचा भंग झाल्याचे आढळून येत नसल्याचे कळवले आहे. हा कार्यक्रम राजकीय नव्हता, धार्मिक होता आणि कोणतेही राजकीय भाषण झाले नसल्याचा निर्वाळा पथकाने दिल्याचे सूत्रांनी सांगितले. हा अहवाल म्हणजे संविधानाचा अपमान करणाऱ्यांना पाठीशी घालण्याचा प्रकार असल्याचा आरोप भारिपचे सुनील भगत यांनी केला.
आचारसंहिता पथकाची राऊत यांना क्लीन चिट
By ऑनलाइन लोकमत | Updated: April 21, 2019 05:35 IST