पिंपरीतील झोपडपट्टीत सिलेंडरचा स्फोट; दोघांचा होरपळून मृत्यू

आगीत पाच घरं जळून खाक

पिंपरी: दळवीनगर येथील झोपडपट्टीत सिलेंडरचा स्फोट झाल्याची घटना रात्री घडली. या स्फोटात पाच घरं जळून खाक झाली आहेत. या दुर्घटनेत दोघांचा होरपळून मृत्यू झाला आहे. प्रदीप मोटे आणि शंकर क्षीरसागर अशी दुर्घटनेतील मृतांची नावं आहेत. ही आग आता नियंत्रणात आली आहे.चिंचवडमधील दळवीनगर झोपडपट्टीत काल मध्यरात्री 3 वाजता सिलेंडरचा स्फोट झाला. या स्फोटामुळे परिसरात एकच धावपळ सुरू झाली. एका घरातील सिलेंडरचा स्फोट झाल्यानं ही आग लागली. त्यानंतर ही आग पसरली आणि त्यात पाच घरं जळून खाक झाली. शेजारच्या भागातील लोकांनी त्यांच्या घरातील सिलेंडर घराबाहेर काढल्यानं मोठी दुर्घटना टळली. यानंतर अग्निशमन दलाचे जवान घटनास्थळी दाखल झाले. त्यांनी ही आग नियंत्रणात आणली. या आगीत दोघांचा होरपळून मृत्यू झाला.