पिंपरी : करवतीच्या साह्याने कापून चंदनाच्या पाच झाडांच्या खोडांची चोरी झाल्याचा प्रकार समोर आला आहे. पिंपरी येथील दि इंडियन कार्ड क्लोदिंग प्रा. ली. (आयसीसी) या कंपनीच्या आवारातून ही झाडे चोरीला गेल्याचा प्रकार गुरुवारी (दि. २८) रात्री १० ते शुक्रवारी (दि. २९) सकाळी सातच्या दरम्यान घडला. चांदभाई घुडूभाई मुल्ला (वय ३४, रा. येरवडा) यांनी याबाबत पिंपरी पोलीस ठाण्यात रविवारी (दि. ३१) फिर्याद दिली. पोलिसांनी अज्ञात चोरट्याच्या विरोधात गुन्हा दाखल केला आहे. अज्ञात चोरट्यांनी कंपाऊंडच्या तारा कापून आयसीसी कंपनीच्या आवारात प्रवेश केला. कंपनीच्या परिसरातून ३४ हजार रुपये किमतीची पाच चंदनाच्या झाडांची खोडे गाभ्यासह करवतीसारख्या साधनाच्या साह्याने कापून चोरट्यांनी चोरून नेली.
चंदनाच्या पाच झाडांच्या खोडांची चोरी; पिंपरीतील घटना
By लोकमत न्यूज नेटवर्क | Updated: February 2, 2021 12:58 IST