पिंपरी : इमारतीच्या सातव्या मजल्यावरून १४ वर्षांच्या मुलाने उडी मारली. गंभीर जखमी झाल्याने त्याचा मृत्यू झाला. पिंपळे सौदागर येथील रोजलँड हाउसिंग सोसायटीत शनिवारी दुपारी सव्वाबाराच्या सुमारास ही घटना घडली.
मल्हार मकरंद जोशी, (वय १४) असे आत्महत्या करणाऱ्या मुलाचे नाव आहे. तो इयत्ता नववीमध्ये शिक्षण घेत होता. त्याचे आई-वडील बाहेरगावी गेले होते. त्यामुळे तो आपल्या आईच्या मैत्रिणीच्या घरी गेला होता. दरम्यान, दुपारी त्याच्या आई-वडिलांचा फोन आला. त्यानंतर घराच्या गॅलरीतून उडी घेत त्याने आत्महत्या केली. घटनेची माहिती मिळताच सांगवी पोलिसांनी घटनास्थळी धाव घेतली. त्याला रुग्णालयात दाखल करण्यात आले. डाॅक्टरांनी त्याचा मृत्यू झाल्याचे घोषित केले. याबाबत मल्हारच्या आई-वडिलांना माहिती देण्यात आली असल्याचे पोलिसांनी सांगितले.