पिंपरी-चिंचवड - सोशल मीडियावर प्रसिद्धी मिळवण्यासाठी धोकादायक स्टंट करण्याची वाढती प्रवृत्ती पुन्हा एकदा समोर आली आहे. पिंपरी-चिंचवडमधील वाकड परिसरात एका 20 वर्षीय तरुणाने आपल्या ‘थार’ गाडीने भररस्त्यात स्टंटबाजी करत नागरिकांच्या जीवाशी खेळ केला. मात्र, त्याचा हा ‘स्वॅग’ वाकड पोलिसांसमोर फार काळ टिकला नाही.मिळालेल्या माहितीनुसार, संबंधित तरुणाने केवळ काही सेकंदांची रील बनवण्यासाठी गजबजलेल्या रस्त्यावर भरधाव वेगात वाहन चालवले. एवढेच नव्हे, तर त्याने थार गाडी चक्क फूटपाथवर चढवून रॅश ड्रायव्हिंग केले. या प्रकारामुळे पादचाऱ्यांच्या जीवाला गंभीर धोका निर्माण झाला होता.ही संपूर्ण स्टंटबाजी त्याने अभिमानाने सोशल मीडियावर पोस्ट केली. व्हिडिओ व्हायरल होताच नेटकऱ्यांनी संताप व्यक्त केला आणि पोलिसांनीही तात्काळ याची दखल घेतली. वाकड पोलिसांनी तांत्रिक तपास, सोशल मीडिया अकाउंट आणि सीसीटीव्ही फुटेजच्या आधारे अवघ्या काही तासांत संबंधित तरुणाचा शोध घेत त्याला ताब्यात घेतले.
Web Summary : A Pimpri-Chinchwad youth's dangerous Thar stunt for social media fame backfired. Wakad police swiftly arrested him after the video went viral. He apologized and promised to follow traffic rules. Police warned against social media stunts.
Web Summary : सोशल मीडिया पर प्रसिद्धि के लिए पिंपरी-चिंचवड़ के एक युवक का थार स्टंट विफल रहा। वीडियो वायरल होने के बाद वाकड पुलिस ने उसे गिरफ्तार कर लिया। उसने माफी मांगी और यातायात नियमों का पालन करने का वादा किया। पुलिस ने सोशल मीडिया स्टंट के खिलाफ चेतावनी दी।