पिंपरी : महापालिका निवडणुकीसाठी राष्ट्रवादी काँग्रेस (अजित पवार) कडून पिंपरी-चिंचवड महापालिकेसाठी रणनीती ठरवली जात आहे. उपमुख्यमंत्री व राष्ट्रवादी काँग्रेसचे अध्यक्ष अजित पवार आणि विधानसभेचे उपाध्यक्ष व पिंपरीचे आमदार अण्णा बनसोडे यांच्यासमोर महिलांनी आक्रमक भूमिका घेत प्रभाग क्रमांक ९ मधून बनसोडे यांच्या मुलाला उमेदवारी देण्यास विरोध केला.
राष्ट्रवादी काँग्रेस (अजित पवार) पक्षाकडून उमेदवारी, प्रचार आणि संघटनात्मक जबाबदाऱ्यांवर चर्चा करण्यासाठी पुण्यातील बारामती हॉस्टेलमध्ये बैठकांचे सत्र सुरू असताना पिंपरी-चिंचवड महापालिकेतील उमेदवारीवरून गोंधळ उडाला. पिंपरी-चिंचवड शहरातील कष्टकरी महिलांचा गट बारामती हॉस्टेलवर पोहोचला. तेथे ‘आम्हाला स्थानिक, तळागाळात काम करणारा उमेदवार हवा असून आमदार पुत्र नको,’ अशी मागणी त्यांनी केली.
यावेळी झालेल्या वादावादीनंतर या महिलांनी बारामती हॉस्टेलबाहेर पत्रकारांशी संवाद साधत नाराजी व्यक्त केली. ‘लाडकी बहीण म्हणतात, पण आमचे म्हणणे ऐकून घेतले जात नाही. आम्ही जीव तोडून मागणी करण्यासाठी आलो असताना दोन मिनिटेही वेळ दिला नाही,’ असा आरोप त्यांनी केला. मात्र, त्यांनी कोणाचेही नाव घेण्याचे टाळले.
उमेदवारी देण्याचे सर्व अधिकार उपमुख्यमंत्री अजित पवार यांच्याकडे आहेत. अद्याप कोणाच्याही नावाची अधिकृत घोषणा झालेली नाही. त्यामुळे कोणीही आपली उमेदवारी निश्चित समजू नये. - आण्णा बनसोडे, विधानसभा उपाध्यक्ष तथा आमदार
Web Summary : Women protested against giving candidacy to MLA Anna Bansode's son, disrupting Ajit Pawar's meeting in Baramati. They demanded a local candidate.
Web Summary : विधायक अन्ना बनसोडे के बेटे को उम्मीदवारी देने का महिलाओं ने विरोध किया, जिससे बारामती में अजित पवार की बैठक बाधित हुई। उन्होंने एक स्थानीय उम्मीदवार की मांग की।