पिंपरी : पिंपरी-चिंचवड भाजपच्या कार्यकारिणीची बैठक कासारवाडी येथे झाली. तीत महापौर निवडीसह महापालिकेतील आगामी सत्तास्थापनेच्या प्रक्रियेवर सविस्तर चर्चा करण्यात आली. विभागीय आयुक्तांकडे पाठविण्यात येणाऱ्या यादीसाठी सर्व भाजप नगरसेवकांच्या सह्या घेण्यात आल्या. महापौरपदासाठी इच्छुकांची नावे पक्षश्रेष्ठींकडे पाठविण्यात येणार असून, ही नावे बंद लिफाफ्यात देण्यात येणार असल्याची चर्चा बैठकीत झाली.
सूत्रांच्या माहितीनुसार, या बंद लिफाफ्यात भाजपच्या आठ नगरसेवकांची नावे आहेत. पक्षश्रेष्ठींकडून या नावांवर अंतिम निर्णय झाल्यानंतर महापौरपदासाठीच्या नावावर शिक्कामोर्तब होणार आहे. महापौरपदाचा निर्णय झाल्यानंतर सत्ताधारी पक्षनेता, तसेच स्थायी समिती अध्यक्षांच्या नावांची घोषणा करण्यात येणार असल्याचे भाजपच्या पदाधिकाऱ्यांनी सांगितले. महापालिकेतील सत्तासूत्रे हाती घेताना संघटनात्मक समतोल आणि वरिष्ठ नेतृत्वाच्या सूचनांचा विचार करूनच निर्णय घेतला जाणार असल्याचेही यावेळी स्पष्ट करण्यात आले.
Web Summary : BJP's Pimpri-Chinchwad unit discussed mayor elections, sending a sealed list of eight potential candidates to party leaders. The final decision rests with senior leaders, after which announcements for key positions will follow, considering organizational balance and leadership guidance.
Web Summary : बीजेपी की पिंपरी-चिंचवड इकाई ने महापौर चुनावों पर चर्चा की, और आठ संभावित उम्मीदवारों की एक सीलबंद सूची पार्टी नेताओं को भेजी। अंतिम निर्णय वरिष्ठ नेताओं पर निर्भर करता है, जिसके बाद संगठनात्मक संतुलन और नेतृत्व मार्गदर्शन को ध्यान में रखते हुए प्रमुख पदों के लिए घोषणाएं की जाएंगी।