Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

पुणे : महापालिका प्रशासनाने पावसाळ्यापूर्वी शहरातील नाले आणि पावसाळी गटारे सफाई करण्याच्या निविदा या पूर्वगणनपत्रकापेक्षा १.३३ ते ५३.८५ टक्के कमी दराने आल्या आहेत. या निविदा लवकरच स्थायी समितीपुढे मंजुरीसाठी ठेवण्यात येणार आहेत. पूर्वगणनपत्रक फुगविले जाते का, अशी शंका उपस्थित केली जात असून, त्याने या कामाचा दर्जा काय राहणार, असा सवाल उपस्थित झाला आहे.महापालिकेने १५ क्षेत्रीय कार्यालयाच्या हद्दीतील नाले व पावसाळी गटारे साफ करण्यासाठी निविदा मागविल्या होत्या. पावसाळ्यापूर्वी नाल्यांमधील कचरा, वाढलेले गवत यासह पाण्याच्या प्रवाहात येणारे अडथळे काढण्यासाठी निविदा काढली जाते. त्याचप्रमाणे शहरातील पावसाचे पाणी वाहून जाण्यासाठी पावसाळी गटारे टाकलेल्या असतात, त्यांचीदेखील सफाई करणे आवश्यक असते. या कामांच्या निविदा कोट्यवधी रुपयांच्या असतात. या वेळी मात्र ठेकेदारांनी १.३३ टक्के ते ५३.८५ टक्के इतक्या कमी दराने निविदा आल्या आहेत. या निविदा स्थायी समितीपुढे मंजुरीसाठी ठेवण्यात येणार आहे. महापालिकेच्या पूर्वगणनापेक्षा ५३ टक्के इतक्या कमी दराने या निविदा आल्याने संबंधित कामांच्या दर्जाबाबत आत्तापासूनच प्रश्न निर्माण होऊ लागला आहे.पूर्वगणनपत्रक फुगविले जाते का?शहरातील नालेसफाई करण्याच्या निविदा गेल्या तीन वर्षांपासून १० ते ५० टक्के कमी दराने येत आहेत. त्यामुळे या कामाचे पूर्वगणनपत्रक फुगविले जाते का, असा सवाल उपस्थित केला जात आहे. ५० टक्के कमी दराने निविदा काढून ठेकेदारांना हे काम परवडते कसे, असा सवाल उपस्थित केला जात आहे.निविदामध्ये रिंग झाल्याचा आरोपनालेसफाईची काही निविदामध्ये रिंग झाल्याचा आरोप करण्यात आला आहे. या निविदा ठरावीकच ठेकेदारांना मिळाल्या आहेत. या निविदामध्ये मोठ्या प्रमाणात राजकीय हस्तक्षेप झाला असल्याची चर्चा महापालिका वर्तुळात आहे.महापालिका प्रशासनाने घेतले ठेकेदाराकडून पत्रबाणेर, कोथरूड, सिंहगड रस्ता या भागातील नाले आणि पावसाळी गटारे सफाई करण्याच्या निविदा पूर्वगणनपत्रकापेक्षा १.३३ टक्के कमी दराने आल्या होत्या. याच कामाचा काही ठिकाणी निविदा ५३ टक्के कमी दराने आल्या आहेत. त्यावर या निविदाची कामे मिळालेल्या ठेकेदाराकडून महापालिका प्रशासनाने ही कामे १२ टक्के कमी दराने करण्यास तयार असल्याचे लेखीपत्र घेतले आहे.

Pimpri Chinchwad (Marathi News)

अनेक वाहनधारकांना हौसेला मुरड घालावी लागणार असून केवळ ‘चाॅईस नंबर’ घेऊन त्यावर त्यांना समाधान मानावे लागणार ...

आई - वडिलांनी नेहमी प्रेरणा देत शिक्षणात साथ दिल्यानेच हे यश प्राप्त झाले ...

रेडिरेकनर दर वाढल्याने चांगल्या दर्जाची घरे देणाऱ्या बांधकाम व्यावसायिकांकडे खरेदी करणाऱ्यांचा कल वाढणार ...

एक व्यक्ती माॅर्निंग वाॅक करत असताना त्यांना अज्ञात वाहनाने मागून धडक देऊन चालक फरार झाला होता ...

पुणे रेल्वे स्थानकात दिवसाला लाखो प्रवासी येत असताना मुख्य प्रवेशद्वारावर असलेले बॅग स्कॅनिंग मशीन बंद आहे ...

मागील काही महिन्यात या बनावट मालाचे वितरण पुणे शहरभर होत होते ...

दोघांना ७ वर्षांचा मुलगा असून दत्ता काही कामधंदे करत नव्हता, तसेच त्याला दारू पिण्याचे व्यसन आहे ...

पुण्याचे रस्ते मात्र तेवढेच आहेत, परंतु वाहन संख्या वाढल्याने चालवण्यासाठी दिव्य कसरत करावी लागत आहे ...

५० टक्के कमी दराने निविदा काढून ठेकेदारांना हे काम परवडते कसे, असा सवाल उपस्थित केला जात आहे ...