Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

पुणे : मराठा समाजाचे आर्थिक मागासलेपण तपासण्यासाठी स्थापन केलेल्या आयोगात कोट्यवधी रूपयांचा भ्रष्टाचार झाला असल्याचा गंभीर आरोप शिवसेना (उद्धव ठाकरे) पक्षाच्या प्रवक्त्या सुषमा अंधारे यांनी केला. खोट्या नियुक्त्यांमध्ये खर्च दाखवून प्रत्यक्षात मात्र आयोगाकडून कसलाही अभ्यास, कोणतेही संशोधन झाले नाही, ही मराठा समाजाची फसवणूकच आहे अशी टीका त्यांनी केली.यासंदर्भातील माहितीच्या अधिकारात मागितलेली कागदपत्रे आपल्याकडे असल्याचा दावा त्यांनी केला. पत्रकारांबरोबर बोलताना अंधारे यांनी आयोगाच्या अध्यक्षांनी आयोगाकडून कोणता अभ्यास झाला, कोणते संशोधन झाले ते जाहीर करावे अशी मागणीही अंधारे यांनी केली. त्या म्हणाल्या, आयोगाच्या अभ्यासासाठी म्हणून बहुजन कल्याण मागास विभागाने ९ जानेवारी २०२४ ला ३६७ कोटी १२ लाख ५९ हजार रूपये मंजूर केले. या निधीमधून जिल्हाधिकारी, उपजिल्हाधिकारी, तहसीलदार, नायब तहसीलदार, मुख्य कार्यकारी अधिकारी, प्रगणक या सर्वांचे मानधन, कार्यालयीन स्टेशनरी, कार्यालयासाठीच्या जागा असा खर्चाचा तपशील दाखवण्यात आला.मराठा समाजाचे आर्थिक मागासलेपण अभ्यासण्यासाठी १ लाख ४३ हजार प्रगणकांची नियुक्ती आयोगाने दाखवली आहे. एकट्या अहमदनगर जिल्ह्यात १० हजार प्रगणक दाखवण्यात आले आहेत. याबाबत जिल्ह्यांमध्ये जाऊन माहिती घेतली असता कुठेही असे प्रगणक काम करत असल्याचे दिसत नाही. त्यामुळे ही समाजाची सरळ दिशाभूल होत आहे असे अंधारे म्हणाल्या. आयोगाच्या सदस्य सचिव म्हणून प्रतिनियुक्तीवर करण्यात आलेले नियुक्तीही बेकादयेशीर आहे. त्या ज्या विभागात काम करतात त्यांच्या आदेशाने ही नियुक्ती दाखवण्याऐवजी दुसऱ्याच ग्रामविकास विभागाकडून ती दाखवण्यात आली असल्याचा आरोप त्यांनी केला.एकीकडे प्रगणकांची नियुक्ती दाखवली असताना दुसरीकडे गोखले इन्स्टिट्यूट बरोबर आयोगाने याच विषयाच्या अभ्यासासाठी संशोधन करण्याकरता म्हणून करार केला. आयोगाच्या खर्चाबाबतच्या आर्थिक अनियमिततेबाबत संशोधन अधिकाऱ्यांनी राज्याच्या प्रधान सचिवांना एक पत्र लिहिले होते. त्याचबरोबर आयोगाच्या एका सदस्यानेही अनियमितता व आर्थिक भ्रष्टाचाराबाबतचे पत्र प्रधान सचिवांना दिले होते. ही दोन्ही पत्र आपल्याकडे असल्याचे अंधारे यांनी सांगितले. या सर्व गोष्टींची सरकारने त्वरीत चौकशी करावी व मराठा समाजाची होत असलेली फसवणूक थांबवावी अशी मागणी अंधारे यांनी केली.

Pimpri Chinchwad (Marathi News)

पोलिस तपासात रिक्षाचालक साळुंकेने अल्पवयीनला रिक्षा चालवण्यास दिल्याने अपघात घडल्याचे उघडकीस आले ...

ज्या व्यक्तीसोबत पत्नीचे अनैतिक संबंध निर्माण झाले, त्याचाकडूनच घेतले होते व्याजाने पैसे ...

पोलिसांनी वेळीच हस्तक्षेप केल्यामुळे सुदैवाने दोन्ही ठिकाणी काहीही घडले नाही ...

हिंदी ही संपर्कसुत्र म्हणून देशाची भाषा आहे या मुख्यमंत्री देवेंद्र फडणवीस यांच्या मताचाही निषेध करण्यात आला. ...

जनमानसातील त्यांची प्रतिमा खराब करण्याचा त्यांचा प्रयत्न सातत्याने सुरू आहे. ...

मनसेने मराठी पाट्या आणि शासकीय कार्यालयांत मराठीचा आग्रह धरून राज्यभर जागृती अभियान सुरू केले ...

शिवछत्रपती राज्य क्रीडा पुरस्कार वितरण सोहळा; शकुंतला खटावकर, प्रदीप गंधे यांच्यासह १५९ क्रीडावीरांचा गौरव ...

संत ज्ञानेश्वर महाराज यात्रा उत्सवानिमित्त बैलगाड्यांच्या भव्य शर्यतीचे आयोजन करण्यात आले ...

खोट्या नियुक्त्यांमध्ये खर्च दाखवून प्रत्यक्षात मात्र आयोगाकडून कसलाही अभ्यास, कोणतेही संशोधन झाले नाही ...