Latest Pimpri Chinchwad News | Pimpri Chinchwad Marathi News | Latest Pimpri Chinchwad News in Marathi | पिंपरी -चिंचवड: ताज्या मराठी बातम्या

पुणे : सीएनजी दरात होणारी वाढ आणि त्यामुळे रिक्षाचालकांच्या वाढणाऱ्या अडचणी या पार्श्वभूमीवर रिक्षा पंचायतीने नऊ ऑगस्टला खासदार गिरीश बापट यांच्या कार्यालयावर मोर्चा काढण्याचे ठरवले आहे. काही महिन्यांपूर्वी ६० रुपये किलो असलेला सीएनजी आज ९१ रुपये किलोपर्यंत पोहोचला आहे. या दरवाढीस नरेंद्र मोदी नेतृत्व करत असलेले केंद्र सरकार जबाबदार असून सीएनजीच्या दरात सतत होणाऱ्या या दरवाढीचा रिक्षा पंचायत पुणे, पिंपरी-चिंचवडतर्फे निषेध केला जात आहे. मोर्च्याच्या काळात सकाळी साडेदहा ते दुपारी एक वाजेपर्यंत रिक्षा बंद ठेवून मोर्चामध्ये सहभागी व्हावे, असे आवाहन रिक्षा पंचायतीने रिक्षाचालकांना केले आहे.पुणे व पिंपरी-चिंचवड शहरांतील प्रदूषण कमी करण्यासाठी २००९ साली सर्वोच्च न्यायालयाच्या सूचनेनंतर रिक्षाला सीएनजीची सक्ती केली. त्यास विरोध न करता रिक्षा पंचायतीने व तिच्या सभासद रिक्षा चालकांनी सीएनजीचे पंप तुरळक असताना रोज ५ ते ६ तास रांगेत थांबून सीएनजीची व्यवस्था नियमित होण्यात सक्रिय सहभाग दिला. आता कुठे सीएनजी फारसा रांगेत न थांबता मिळू लागला असताना सीएनजीचा किलो मागील दर प्रचंड प्रमाणात वाढला आहे. त्यामुळे रिक्षाचालकांचा असंतोष खासदार बापट त्यांच्यामार्फत केंद्र सरकारपर्यंत पोहोचवण्यासाठी क्रांतिदिनी म्हणजेच ९ ऑगस्ट रोजी सकाळी साडेदहा वाजता हुतात्मा स्मारक बुधवार पेठ, मजूर अड्डा येथून महागाईविरोधी मोर्चा काढण्यात येणार आहे. हा मोर्चा पुणे जिल्हाधिकारी कार्यालयावर जाईल. त्याआधी कसबा पेठेतील गिरीश बापट यांच्या कार्यालयावर मोर्चा नेऊन सीएनजी दरवाढीचा तीव्र निषेध करण्यात येणार असल्याची माहिती रिक्षा पंचायतीच्या वतीने देण्यात आली.रिक्षा चालकांच्या मागण्या१) सीएनजीचा दर नियंत्रित करा. २) सीएनजीवरील उत्पादन कर कमी करा. ३) पुणे व पिंपरी-चिंचवड शहरातील प्रदूषण कमी करण्यासाठी २००९ साली सर्वोच्च न्यायालयाच्या सूचनेनुसार रिक्षाला सीएनजीची सक्ती केली. अशी सक्ती पण करायची आणि किंमत पण वाढवायची, हा अन्याय आहे. त्यामुळे सीएनजीवर अनुदान मिळाले पाहिजे.४) देशात उत्पादित होणऱ्या सीएनजीचा दर आंतरराष्ट्रीय बाजारातील दराप्रमाणे ठरवणे बंद करा.

Pimpri Chinchwad (Marathi News)

निष्काळजीपणे वाहन चालवून दुचाकीस्वाराच्या मृत्यूस कारणीभूत ठरल्याबद्दल बस चालकावर गुन्हा दाखल ...

सात जणांच्या विरोधात गुन्हा दाखल... ...

शिक्षा झालेल्या आरोपी हा बीड जिल्ह्यातील.... ...

शिवीगाळ करून मारहाण केल्याचा प्रकार समोर... ...

रस्त्यासाठी प्रकल्प व्यवस्थापन सल्लागार नियुक्त... ...

लहान मुले आई-वडिलांचा मोबाइल घेऊन व्हिडीओ गेम खेळत असताता.... ...

लाच घेतल्यानंतरही १८ जणांना खुर्ची सुटेना ...

२४ तासाच्या आत आरोपीला बेड्या ठोकल्या... ...

घरगुती विद्युत, इलेक्ट्राॅनिक उपकरणे दुरुस्तीच्या माध्यमातून घातला जातोय गंडा ...

काही महिन्यांपूर्वी ६० रुपये किलो असलेला सीएनजी आज ९१ रुपये किलोपर्यंत पोहोचला ...