Pimpri Chinchwad News | Latest Pimpri Chinchwad News in Marathi | Pimpri Chinchwad Local News Updates | ताज्यबातम्या पिंपरी -चिंचवड | पिंपरी -चिंचवड समाचार | Pimpri Chinchwad Newspaper

-अमृत देशमुखपुणे : मुंबईला महाविद्यालयीन शिक्षण घेत असताना मध्यमवर्गीय कुटुंबातील असल्यामुळे लवकर पैसे कमावण्याच्या हव्यासापोटी मुंबईच्या गुन्हेगारी टोळीच्या संपर्कात आलो अन् अमली पदार्थ सेवनाचे व्यसन लागले. तेव्हा पोलिसांपासून पळू लागलो. जेव्हा व्यसनमुक्ती केंद्रात प्रवेश घेतला, तेव्हा त्या पोलिसांपासून पळण्याचा उपयोग मॅरेथॉन धावण्यासाठी झाला अन् अमली पदार्थाच्या व्यसनातून कायमचा सुटलो... हा अनुभव पुण्याच्या मुक्तांगण व्यसनमुक्ती केंद्रातील तरुण राहुल जाधव यांनी सांगितला.अलीकडच्या काळात अमली पदार्थांचे व्यसन हे सर्व देशांसाठी भयंकर समस्येचे कारण बनले आहे. १६ ते १७ वयोगटातील अल्पवयीन मुलेदेखील अमली पदार्थांच्या आहारी जाऊ लागली आहेत. हेरॉइन, एमडी गांजाचे प्रमाण सेवन करण्याचे प्रमाण खूप वाढत चालले आहे. आंतरराष्ट्रीय ड्रग्ज गैरवापर आणि अवैध तस्करीविरोधी दिनानिमित्त राहुल जाधव यांनी त्याची अमली पदार्थांच्या विळख्यातून यशस्वीपणे बाहेर पडल्याची कहाणी उलगडली.राहुल म्हणाले की, महाविद्यालयीन शिक्षण घेत असताना बरीच वर्षे मुंबईच्या गुन्हेगारीत होतो. त्याचदरम्यान अमली पदार्थ सेवन करण्याचे व्यसन लागले. मग पोलिसांनी पकडले. जेलमध्ये चार वर्षे होतो. तिथून सुटल्यानंतर अमली पदार्थ सेवन करण्याचे प्रमाण अधिक वाढले. त्यामुळे नोकरी मिळत नव्हती. कोणी चांगली वागणूक देत नव्हते. शेवटचा पर्याय म्हणून घरच्यांनी पुण्यातील मुक्तांगण व्यसनमुक्ती केंद्रामध्ये भरती केले, इथे आल्यावर असे लक्षात आले की, एक महिन्याचा उपचार पुरेसा नसून बराच काळ उपचार घ्यावे लागणार आहेत. मग मी निर्णय घेतला की अजून काही काळ उपचार घ्यायचेच.मुक्तांगणमध्ये स्वच्छतेचे काम करायला लागलो. स्वच्छतागृहाची साफसफाई करत असताना माझ्या मनाचीच स्वच्छता झाली. मनातील राग, द्वेषसारखी जळमटे नाहीशी झाली. पुढे एक ते दीड वर्ष मुक्तांगणमध्ये उपचार घेत असतानाच पुण्यामध्ये मॅरेथॉनचे आयोजन झाले होते. त्यात मी सहभागी होण्याचा निर्णय घेतला.पोलिस माझ्या मागे लागायचे, त्यामुळे मी खूप वेगात धावायचो. पोलिसांना मला कधीच पकडता आले नाही. त्याचा चांगला फायदा झाला आणि पहिल्याच मॅरेथॉनमध्ये मी तब्बल दहा किलोमीटरच्या स्पर्धेमध्ये सहभागी झालो. त्यानंतर मुक्तांगणमध्येच धावण्याचे प्रशिक्षण घेऊन अधिक मॅरेथॉनमध्ये तरबेज झालो. २१ किमी, ४२ किमीची मॅरेथॉन मी सहज धावू लागलो. दरम्यान, मुंबईला पोलिसांकडे हजेरी लावायला जावे लागत असताना तिथे मला अपमानित केले जायचे. त्यामुळे मी मुंबईच्या ४२ किमी मॅरेथॉनमध्ये भाग घेतला. त्या मॅरेथॉनमधील फोटो आणि मिळालेले मेडल्स पोलिसांना दाखविले. तेव्हा पोलिसांनी माझे खूप कौतुक केले. त्यावेळी लक्षात आले की, माझी ओळख एक धावपटू म्हणून होऊ शकते, याच आत्मविश्वासाने मी पुढे अनेक मॅरेथॉन धावलो.राहुल जाधव हा आमच्याकडे दाखल झाला. तेव्हा त्याची परिस्थिती भयानक होती. त्यातून यशस्वीरीत्या अमली पदार्थाच्या विळख्यातून बाहेर पडून तो आता अल्ट्रा मॅरेथॉन रनर आहे. २०१९ मध्ये गेटवे ऑफ इंडिया ते इंडिया गेट म्हणजेच मुंबई ते दिल्ली वीस दिवस धावला. आता तो मुक्तांगणसह विविध कारागृहात, गावोगावी जाऊन व्यसनमुक्ती केंद्राच्या माध्यमातून मार्गदर्शन करतो. शिबिर घेऊन अमली पदार्थ सेवन मुक्तीसाठी जनजागृती करतो. - डॉ. मुक्ता पुणतांबेकर, मुक्तांगण व्यसनमुक्ती केंद्र

Pimpri Chinchwad (Marathi News)

बचाव पक्ष दि. २ जुलैला बाजू मांडणार; त्यानंतर आरोपींविरोधात दोषारोप निश्चित होणार ...

-वरिष्ठ अधिकारी मार्गावर उरल्याने चालक, वाहक धास्तावले ...