पिंपरी चिंचवड : केमिकल कंपन्यांतील टाकाऊ साहित्याला लागली भीषण आग

पिंपरी नेहरू नगर परिसरातील मोकळ्या मैदानात काही केमिकल कंपनींतील टाकाऊ साहित्याला आग लागल्यानं परिसरात मोठ-मोठाले धुराचे लोट पसरले आहेत.

पिंपरी चिंचवड : पिंपरी नेहरू नगर परिसरातील मोकळ्या मैदानात काही केमिकल कंपनींतील टाकाऊ साहित्याला आग लागल्यानं परिसरात मोठ-मोठाले धुराचे लोट पसरले आहेत. टाकाऊ साहित्यामध्ये केमिकलमध्ये भिजलेला कापूस, फायबरचे तुकडे व अन्य साहित्याला मंगळवारी (19 डिसेंबर) सकाळी 9 वाजण्याच्या सुमारास ही आग लागली आहे.  आगीमुळे धुराचे मोठमोठे लोट पसरल्यानं परिसरातील नागरिकांमध्ये भीतीचे वातावरण पसरले आहे. आगीमुळे परिसरात सर्वत्र काळा धूर पसरला आहे. सध्या अग्निशमन दलाचे जवान आगीवर नियंत्रण मिळवण्यासाठी अथक प्रयत्न करत आहेत.