पिंपरी : पिंपरी चिंचवड पोलीस आयुक्त म्हणून अंकुश शिंदे यांनी गुरुवारी दुपारी पदभार स्वीकारला. अप्पर पोलीस आयुक्त डॉ. संजय शिंदे यांच्याकडून त्यांनी पदभार घेतला. पुणे येथील माझी ही पहिलीच पोस्टिंग आहे. त्यामुळे शहराची माहिती घेणार आहे. त्यानंतर प्रसारमाध्यमांशी बोलणार आहे, असे आयुक्त शिंदे म्हणाले.
राज्यातील काही वरिष्ठ पोलीस अधिकाऱ्यांच्या बुधवारी रात्री बदल्या झाल्या. त्यात पिंपरी -चिंचवडचे पोलीस आयुक्त कृष्ण प्रकाश यांची बदली झाली. कृष्ण प्रकाश रजेवर असल्याने अपर पोलीस आयुक्त डॉ. संजय शिंदे यांच्याकडे पदभार होता. दरम्यान, बुधवारी बदल्या झाल्या. त्यामुळे अंकुश शिंदे यांनी गुरुवारी दुपारी डॉ. संजय शिंदे यांच्याकडून पदभार स्वीकारला.