Travel : भारताचे १०००० रुपये 'या' देशात जाऊन होतील २५ लाख! ४ दिवसांच्या ट्रिपसाठी बेस्ट आहे ऑप्शन
By ऑनलाइन लोकमत | Updated: November 18, 2025 20:56 IST
1 / 7दक्षिण-पूर्व आशियातील लाओस हा एक सुंदर आणि स्वस्त देश आहे, जिथे तुम्ही निसर्गाच्या आणि संस्कृतीच्या जवळ जाऊ शकता. तुमच्या परदेश प्रवासाचे स्वप्न पूर्ण करण्यासाठी ही ४ दिवसांची खास ट्रिप प्लॅन करू शकता. 2 / 7लाओसला जाण्यासाठी मुंबईहून राऊंड ट्रिप तिकीट अंदाजे ₹३०,०००/-पासून सुरू होते. बहुतांश प्रवाशांना व्हिसा ऑन अरायव्हल किंवा बॉर्डर क्रॉसिंगवर व्हिसा मिळतो. नोव्हेंबर ते एप्रिल,किंवा मे ते ऑक्टोबर हा या देशांत फिरण्यासाठी उत्तम कालावधी आहे. 3 / 7लाओसमध्ये वापरले जाणारे चलन लाओशियन कीप आहे, ज्याचे मूल्य भारतीय रुपयाच्या तुलनेत खूप कमी आहे. तुम्ही फक्त ₹ १०,००० लाओसमध्ये घेऊन गेलात, तर तुमच्या हातात २४ लाखांपेक्षा जास्त किमतीचे चलन असेल! हे चलन-मूल्य तुम्हाला कमी खर्चात उत्कृष्ट परदेशी प्रवासाचा अनुभव देईल.4 / 7पहिल्या दिवशी सकाळी या देशातील Pha That Luang या ऐतिहासिक मंदिराला भेट द्या. हे मंदिर आपल्या शेकडो बुद्ध मूर्तींसाठी प्रसिद्ध आहे. Patuxai स्मारकावर चढून व्हिएन्तिआन शहराचे विहंगम दृश्य पाहा. त्यानंतर स्थानिक रेस्टॉरंटमध्ये लाओटियन जेवणाचा आस्वाद घ्या. संध्याकाळी मेकाँग नदीच्या किनाऱ्यावर सूर्यास्ताचा आनंद घ्या. 5 / 7दुसऱ्या दिवशी व्हिएन्तिआनहून बस किंवा खासगी वाहनाने नयनरम्य मार्गाने वांग विएंग कडे प्रस्थान करा. वांग विएंग येथील प्रसिद्ध ब्लू लॅगून आणि थाम चांग गुंफेला भेट द्या. लॅगूनमध्ये मनसोक्त पोहण्याचा आणि आराम करण्याचा आनंद घ्या. संध्याकाळी नदीकिनारी बोट राइडचा आनंद घेत सूर्यास्त पाहा आणि डिनर करा.6 / 7तिसऱ्या दिवशी सकाळी वांग विएंगहून बस किंवा खासगी गाडीने यूनेस्को जागतिक वारसा स्थळ असलेल्या लुआंग प्रबांगकडे जा. त्यानंतर रॉयल पॅलेस म्युझियमपासून शहराच्या इतिहासाला जाणून घेण्यास सुरुवात करा. त्यानंतर लुआंग प्रबांगचा आत्मा मानल्या जाणाऱ्या कुआंग सी धबधबा नक्की बघा. संध्याकाळी स्थानिक कारागिरीचे सामान, कपडे आणि लाओटियन स्ट्रीट फूडच्या प्रसिद्ध नाइट मार्केटला भेट द्या.7 / 7चौथ्या दिवशी लुआंग प्रबांगच्या आसपासच्या ग्रामीण भागाचे सौंदर्य पाहण्यासाठी बाइक/स्कूटर किंवा टुक-टुक भाड्याने घ्या. तुमच्या नियोजनानुसार, वांग विएंग किंवा व्हिएन्तिआन येथे परत जाण्यासाठी प्रवास सुरू करा. फ्लाईटपूर्वी शेवटची खरेदी करा आणि जेवण करा.