अर्ध्या विमानाची राख झाली, अर्ध्याचे तुकडे झाले, १७९ जणांनी जीव गमावला; पाहा अपघाताचे फोटो

1 / 9

रविवार जेजू एअर बोईंग ७३७-८०० विमान धावपट्टीवरून घसरले आणि दक्षिण कोरियामध्ये एका कुंपणाला आदळले, त्यानंतर विमानाला आग लागली. या अपघातात १७९ जणांना जीव गमवावा लागला.

2 / 9

फ्लाइटमध्ये १८१ लोक होते असे सांगण्यात येत आहे. योनहॅप न्यूज एजन्सीने अग्निशमन दलाच्या जवानांच्या हवाल्याने सांगितले की, विमानातील दोन जण वाचले, तर इतरांचा मृत्यू झाला.

3 / 9

स्थानिक वेळेनुसार, सकाळी ९.०७ वाजता जेजू एअर फ्लाइट 2216 देशाच्या नैऋत्येकडील मुआन आंतरराष्ट्रीय विमानतळावर उतरत असताना हा अपघात झाला.

4 / 9

पहिल्या लँडिंगच्या प्रयत्नात यश न आल्याने विमान क्रॅश लँडिंग अर्थात बेली लँडिंगचा प्रयत्न करत होते. हे देखील यशस्वी झाले नाही आणि धावपट्टी संपण्यापूर्वी वेग कमी झाला नाही आणि विमान पुढे सीमेवर आदळले.

5 / 9

यानंतर विमानाला आग लागली आणि त्यामुळे विमानात बसलेल्या जवळपास सर्व प्रवाशांचा मृत्यू झाल्याचे सांगण्यात येत आहे. लँडिंग गिअरमध्ये बिघाड झाल्याने हा अपघात झाला.

6 / 9

विमान धावपट्टीला घासून पुढे सरकत आहे आणि नंतर सीमेवर आदळत असल्याचेही व्हिडिओमध्ये दिसत आहे. यानंतर विमानाला आग लागते आणि विमानाचे तुकडे होतात.

7 / 9

लँडिंग गिअरमध्ये बिघाड, पक्ष्यांच्या थव्याशी टक्कर झाली या कारणांमुळे सुरक्षित लँडिंग होऊ शकले नाही, असे सांगण्यात येत आहे.

8 / 9

लँडिंग गियरद्वारे विमान उतरवले जाते. ही एक संपूर्ण यंत्रणा आहे, यामध्ये विमानाचे टायर लँडिंगच्या वेळी काम करतात आणि विमान धावपट्टीवर उतरवतात.

9 / 9

बऱ्याच वेळा लँडिंगच्या वेळी पक्षी आदळल्याने ही यंत्रणा बिघडते, यामुळे टायर खाली घेण्याच अडचणी येतात. कोरिया अपघातातही असेच घडले.