तोट्यातून नफ्यात आली ही पॉवर कंपनी, शेअर खरेदीसाठी लोकांची झुंबड उडाली; सध्या केवळ ₹13 वर आहे भाव!

1 / 8

रतनइंडिया पॉवरचा शेअर आज (बुधवार) व्यवहारादरम्यान फोकसमध्ये होता. कंपनीचा शेअर्स इंट्राडेमध्ये ८% ने वधारून १३.५५ रुपयांवर पोहोचला. शेअर्समधील या वाढीचे कारण म्हणजे, डिसेंबर तिमाहीचे निकाल.

2 / 8

खरे तर, रतनइंडिया पॉवरने आज २२ जानेवारीला चालू आर्थिक वर्षाच्या डिसेंबर तिमाहीचे निकाल जाहीर केले आहेत. कंपनीने डिसेंबर २०२४ मध्ये संपलेल्या तिमाहीत ₹४.३३ कोटींचा एकत्रित निव्वळ नफा नोंदवला आहे. गेल्या वर्षी याच तिमाहीत ₹५८७ कोटींचा तोटा झाल होता.

3 / 8

काय म्हणते कंपनी? - स्टॉक एक्स्चेंजच्या अधिसूचनेनुसार, डिसेंबरमध्ये संपलेल्या तिमाहीचा महसूल, गेल्या वर्षीच्या याच तिमाहीत ८०६ कोटी रुपये होता. तो आता वार्षिक आधारावर ९.१% ने कमी होऊन ७३३ कोटी रुपयांवर आला आहे. व्याज, कर, घसारा आणि कर्जमाफीपूर्वीचे उत्पन्न वार्षिक आधारावर ४७.४% ने कमी होऊन ९०.३ कोटी रुपये झाले.

4 / 8

कंपनीने डिसेंबर २०२३ मध्ये संपलेल्या तिमाहीत १७२ कोटी रुपयांचा EBITDA नोंदवला होता. गेल्या वर्षीच्या याच कालावधीतील EBITDA मार्जिन ९०० बेसिस पॉइंट्सने घटून २१.३% वरून १२.३% वर आला. तसेच सतत्याने सुधारणा होत असल्याचेही कंपनीने तिच्या नियामक फाइलिंगमध्ये म्हटले आहे.

5 / 8

रतनइंडिया पॉवरचा शेअर गेल्या पाच दिवसांत ५% आणि एका वर्षात ३०% ने वाढला आहे. पाच वर्षांत कंपनीचा शेअर ५६०% वाढला. या काळात त्याची किंमत १.९५ रुपयांवरून सध्याच्या किमतीपर्यंत पोहोचली आहे.

6 / 8

महत्वाचे म्हणजे, कंपनीचा शेअर एका महिन्यात ६% आणि सहा महिन्यांत १७% ने घसरला आहे. कंपनीच्या शेअर्सची ५२ आठवड्यांची उच्चांकी किंमत २१.१३ रुपये आहे तर नीचांकी किंमत ७.९० रुपये आहे.

7 / 8

रतनइंडिया पॉवर लिमिटेड ही भारतातील सर्वात मोठ्या खाजगी वीज निर्मिती कंपन्यांपैकी एक आहे. जिचे महाराष्ट्रातील अमरावती आणि नाशिक येथे प्रत्येकी १,३५० मेगावॅटचे प्रकल्प आहेत. कंपनीचे मार्केट कॅप ६,८६३ कोटी रुपये एवढे आहे.

8 / 8

(टीप - येथे केवळ शेअरच्या परफॉर्मन्सची माहिती देण्यात आली आहे. हा गुंतवणुकीचा सल्ला नाही. शेअर मार्केटमधील गुंतवणूक ही जोखमीवर अवलंबून असते. त्यामुळे, गुंतवणूक करण्यापूर्वी तज्ज्ञांचा सल्ला आणि मार्गदर्शन घेणे अत्यंत आवश्यक आहे.)