बँकिंगपासून पेन्शनपर्यंत, १ डिसेंबरपासून होणार हे सहा बदल, तुमच्या खिशावर होणार थेट परिणाम

1 / 7

दर महिन्याच्या १ तारखेपासून काही नियमांमध्ये बदल लागू होत असतात. त्याचा सर्वसामान्यांच्या दैनंदिन व्यवहारांवर थेट परिणाम होत असतो. आता सोमवारपासून सुरू होणाऱ्या डिसेंबर महिन्याच्या १ तारखेपासून असेच काही नियम लागू होणार आहेत. यामधील प्रमुख ६ बदल पुढील प्रमाणे.

2 / 7

दर महिन्याच्या १ तारखेला तेल कंपन्यांकडून सीएनजी, जेट फ्युएल, पीएनजीच्या किमतींमध्ये बदल केला जातो. १ डिसेंबरपासून या किमती पुन्हा बदलू शकतात. याचा थेट परिणाम तुमच्या खिशावर होऊ शकतो.

3 / 7

सरकारकडून दर महिन्याला एलपीजीच्या व्यावसायिक आणि घरगुती सिलेंडरच्या किमतींमध्ये बदल केला जातो. आता डिसेंबरपासूनही एलपीजीच्या किमतीत बदल होऊ शकतो. गेल्या महिन्यात १९ किलोच्या व्यावसायिक सिलेंडरच्या किमतीमध्ये ५ रुपयांनी घट झाली होती.

4 / 7

निवृत्तीवेतन घेणाऱ्या सर्व ज्येष्ठांसाठी डिसेंबर महिना अत्यंत महत्त्वाचा आहे. प्रत्येक निवृत्तीवेतन धारकाला जीवन प्रमाणपत्र जमा करावं लागेल, असे सरकारने स्पष्ट केले आहे. तसे न केल्यास जानेवारी महिन्यापासून निवृत्तीवेतन बंद होईल. मात्र आता हे काम घरबसल्या होणार आहे. तसेच त्यासाठी तुम्हाला बँक किंवा पोस्टामध्ये हेलपाटे मारावे लागणार नाहीत.

5 / 7

१ डिसेंबरपासून अनेक बँका आणि वित्तिय कंपन्यांनी आपल्या ऑनलाईन बँकिंग, यूपीआय, गुंतवणूक आणि कार्डशी संबंधित काही नियम बदलले आहेत. आता तुमचं खातं हे आधीपेक्षा अधिक सुरक्षित असेल. काही बँका क्रेडिट कार्ड-डेबिट कार्डवरील आकारसुद्धा वाढवू किंवा कमी करू शकतात. याचा अर्थ देवाण घेवाणीवर थोडा अधिक कर आकारला जाऊ शकतो. त्यामुळे तुम्ही तुमच्या बँकेकडून येणाऱ्या संदेशावर लक्ष ठेवा.

6 / 7

प्राप्तिकरासंबंधी आवश्यक फायलिंग करण्याची अंतिम तारीख ही ३० नोव्हेंबर आहे. त्यामध्ये कलम १९४-आयए, १९४-आयबी, १९४एम आणि १९४एस अंतर्गत ऑक्टोबर महिन्याक करण्यात आलेल्या कपातीचं टीडीएस विवरण जमा करण्याचा समावेश आहे. तसेच ज्या कंपन्या आणि लोकांवर ट्रान्सफर प्रायसिंग नियम लागू होतात, त्यांनाही कलम ९२ई चा अहवाल याच दिवसापर्यंत फाईल करावा लागेल.

7 / 7

डिसेंबर महिन्यात नाताळाच्या सुट्टीसह काही इतर महत्त्वाच्या सुट्ट्या असल्याने काही दिवस बँका बंद राहणात आहेत. त्यामुळे बँकेसंबंधी काही काम असल्यास बँकेत जाण्यापूर्वी बँकांच्या सुट्ट्यांच्या यादीवर एकदा नजर फिरवून जा.