आज घर चालवण्यासाठी ₹३०००० लागत असतील तर १० वर्षांनंतर किती लागतील? 'सेबी'च्या कॅल्क्युलेटरने समोर आला धक्कादायक आकडा

1 / 6

आजच्या काळात एका मध्यमवर्गीय कुटुंबाचा मासिक खर्च साधारणपणे ३०००० रुपयांमध्ये मॅनेज होऊ शकतो. यात, घरभाडे, रेशन, वीज-पाणी, मुलांचे शिक्षण आणि दैनंदिन गरजांचा समावेश आहे. मात्र, महागाईचा वाढता वेग पाहता, याच जीवनशैलीसाठी आपल्याला १० वर्षांनंतर किती पैसा मोजावा लागेल याचा कधी विचार केला का? तर जाणून घेऊयात.

2 / 6

काळानुसार, व्यक्तीचे उत्पन्न वाढते, तसेच वस्तूंच्या किमतीही वाढतात आणि खर्चाचे स्वरूपही बदलते. यामुळे, केवळ आजच्या कमाईवर अवलंबून न राहता भविष्याचे नियोजन करणेही तेवढेच आवाश्यक आहे. महागाईचा तुमच्या मासिक बजेटवर कशा पद्धतीने परिणाम होतो? हे एका उदाहरणावरून स्पष्ट होते.

3 / 6

सामान्यतः दरवर्षी महागाईमध्ये सरासरी ६ ते ८ टक्क्यांची वाढ दिसून येते. 'सेबी इन्फ्लेशन कॅल्क्युलेटर'नुसार जर महागाई दर वार्षाला ७ टक्के धरला, तर आज एक विशिष्ट दर्जा राखण्यासाठी जो खर्च ३०००० रुपये होतो, तो १० वर्षांनंतर, तसाच दर्जा कायम ठेवण्यासाठी दरमहा ५९,०१५ रुपयांपर्यंत पोहोचेल.

4 / 6

अर्थात, पुढील १० वर्षांत आपल्याला दरमहा सुमारे २९,०१५ रुपये अतिरिक्त खर्च करावे लागणार आहेत. हा आकडा सध्याच्या खर्चाच्या जवळपास दुप्पट आहे.

5 / 6

म्हणजेच, महागाईचा सामना करण्यासाठी केवळ काटकसरच पुरेशी नाही, तर आपल्याला आपली कमाई देखील सातत्याने वाढवावी लागेल, असेही यावरून स्पष्ट होते.

6 / 6

महागाई आणि उत्पन्न यांचा योग्य ताळमेळ राखल्यास आपल्या मासिक बजेटवर अधिकचा भार पडणार नाही. परिणामी अशा पद्धतीच्या आगाऊ आर्थिक नियोजनाने, भविष्यातील वाढत्या महागाईचा सामना करण्यासाठी आपल्याला बळ मिळेल.