RailTel नं ४००० रेल्वे स्थानकांवर सुरू केली प्रीपेड Wi-Fi सेवा; ७० रूपयांत मिळणार 'इतका' जीबी डेटा

1 / 20

सध्या प्रत्येकासाठीच इंटरनेट आणि मोबाईल या दोन्ही महत्त्वाच्या गोष्टी झाल्या आहेत. आपलं प्रत्येकाचं काम या दोन गोष्टींच्या सहाय्यानं होत असतं.

2 / 20

सध्या रेलटेलनंही गुरूवारी देशातील काही रेल्वे स्थानकांवर आपली Wi-Fi सेवा सुरू केली आहे.

3 / 20

यासाठी देशातील ४ हजार रेल्वे स्थानकांची निवड करण्यात आली आहे.

4 / 20

या अंतर्गत ग्राहकांना ४ हजार रेल्वे स्थानकांवर पहिले पेसै भरून हायस्पीड इंटरनेट सेवा वापरता येणार आहे.

5 / 20

य़ापूर्वी रेलटेलकडून देशातील ५,९५० रेल्वे स्थानकांवर मोफत इंटरनेट सेवा पुरवली जात आहे. याचा वापर कोणताही स्मार्टफोन धारक करू शकते.

6 / 20

मोफत Wi-Fi सेवेसाठी प्रवाशाला आपल्या मोबाईल क्रमांकासह लॉग इन करावं लागतं.

7 / 20

नव्या प्रीपेड योजनेअंतर्गत युझर्सना रोज ३० मिनिटांसाठी १ एमबीपीएस स्पीडवर इंटरनेट वापरता येणार आहे.

8 / 20

यानंतर ३४ एमबीपीएस स्पीडसाठी युझर्सना फार कमी पैसे भरावे लागतील.

9 / 20

एका दिवसासाठी १० रूपयांत ५ जीबी डेटा, तसंच १० रूपयांमध्ये १० जीबी डेटाही घेता येऊ शकतो.

10 / 20

तर दुसरीकडे पाच दिवसांच्या वैधतेसह २० रूपयांमध्ये १० जीबी आणि ३० रूपयांमध्ये २० जीबी डेटाही वापरता येणार आहे.

11 / 20

याशिवाय अधिक वैधता असलेले प्लॅनही उपलब्ध करून देण्यात आले आहेत. १० दिवसांच्या वैधतेसह युझर्सना ४० रूपयांत २० जीबी आणि ५० रूपयांत ३० जीबी डेटा देण्यात येईल.

12 / 20

यानंतर महिन्याभराच्या वैधतेसह युझर्सना ७० रुपयांमध्ये ६० जीबी डेटा देण्यात येणार आहे.

13 / 20

उत्तर प्रदेशाच्या २० रेल्वे स्थानकांवर यो योजनेची चाचणी करण्यात आली होती.

14 / 20

उत्तर प्रदेशातील रेल्वे स्थानकांवर मिळालेला प्रतिसाद पाहून ४ हजारांपेक्षा अधिक रेल्वे स्थानकांवर ही योजना सुरू करण्याचा निर्णय घेण्यात आल्याची माहिती रेलटेलचे सीएमडी पुनीत चावला यांनी दिली.

15 / 20

सर्व रेल्वे स्थानकं रेलटेल Wi-Fi नं जोडण्याचीही आपली योजना असल्याची माहिती त्यांनी यावेळी दिली.

16 / 20

कोणताही युझर आपल्याला हव्या त्या प्रकारे प्लॅन निवडू शकतो असे हे प्लॅन तयार करण्यात आल्याचं चावला यांनी सांगितलं.

17 / 20

यासाठी लागणारे पैसे भरण्यासाठी नेटबँकिंग, ई वॉलेट किंवा क्रे़डिट कार्डाचाही वापर करता येणार आहे. याव्यतिरिक्त ऑनलाईनही हे प्लॅन खरेदी करता येतील.

18 / 20

कोरोना महासाथीपूर्वी ३ कोटी लोकं या सेवाचा लाभ घेत असल्याचंही चावला यांनी सांगितलं.

19 / 20

कोरोनाची परिस्थिती अधिक सुधारल्यानंतर प्रीपेड Wi-Fi सेवेद्वारे वर्षाला १०-१५ कोटी रूपयांचा महसूल मिळू शकतो अशी अपेक्षाही त्यांनी व्यक्त केली.

20 / 20

रेलटेल कॉर्पोरेशन ऑफ इंडिया लिमिटेड (रेलटेल) हा रेल्वे मंत्रालयांतर्गत एक मिनी रत्न (श्रेणी - I) केंद्रीय सार्वजनिक क्षेत्रातील उपक्रम आहे.