Vastu Shastra: वास्तुशास्त्रानुसार, मुंग्या, पाली, तसेच चिमण्यांचे घरात येणे हे तर भाग्योदयाचे लक्षण!
By ऑनलाइन लोकमत | Updated: February 13, 2025 11:46 IST
1 / 7काळ्या मुंग्या येणे हे सुबत्तेचे लक्षण मानले जाते. साखरेचा डबा घरात असूनही त्याला रोज मुंग्या लागत नाहीत, मात्र अचानक कधीतरी रेशनच्या दुकानाबाहेर रांग लागावी तशी साखरेच्या डब्याला मुंग्याची रांग लागलेली असते. ती शुभ आहे. वास्तुशास्त्र सांगते या मुंग्यांना गव्हाचे पीठ किंवा साखर घालावी, त्या तृप्त होऊन आपला मार्ग बदलतात. त्यांच्या आगमनाने घरात शुभ वार्ता येते.2 / 7तांदुळाच्या डब्याला काळ्या मुंग्या लागत असतील तर तेही शुभ लक्षण आहे असे वास्तू शास्त्र सांगते. आर्थिक परिस्थिती सुधारण्याचे ते चिन्ह आहे. अशा वेळी मुंग्यांना साखर घालावी.3 / 7साखरेला किंवा गुळाच्या ढेपेला मुंग्यांचे चिकटणे सामान्य आहे, परंतु एखादा खाद्यपदार्थ पडलेला असताना काळ्या मुंग्या त्याला चिकटलेल्या दिसल्या किंवा तो पदार्थ खाताना दिसल्या तर ते दृश्य शुभ मानले जाते. नोकरी, व्यवसाय, करिअरमध्ये प्रगती होते.4 / 7याउलट लाल मुंग्या दिसणे अशुभ मानले जाते. भांडणं, संकट, वित्त हानीचे ते लक्षण आहे. त्यांना उपाशी न मारता गव्हाचे पीठ खाऊ घालावे. पीठ खाऊन झाल्यावर मुंग्या फार काळ तिथे टिकत नाहीत व आपला मार्ग बदलतात.5 / 7मुंग्या कोणत्या बाजूने येतात हे पाहणेही महत्त्वाचे ठरते. पूर्वेकडून येणाऱ्या मुंग्या शुभ वार्ता आणतात, पश्चिमेकडून येणाऱ्या प्रवासाची सूचना देतात, दक्षिणेकडून येणाऱ्या आर्थिक बाजू भक्कम होण्याचे चिन्ह दर्शवतात तर उत्तर दिशेने येणाऱ्या आनंदाची चाहूल देतात.6 / 7घरात तीन पालींचे एकत्र दिसणे हे लक्ष्मी कृपेचे प्रतीक मानले जाते. पाल हा कीटक खाणारा प्राणी आपल्याला शिसारी आणणारा असला तरी तीन पालींचे एकत्र दिसणे वास्तू शास्त्रानुसार शुभ मानले जाते. 7 / 7आपल्या अंगणात, खिडकीत पाणी पिण्यासाठी, दाणे टिपण्यासाठी चिमण्या येतात, पण जेव्हा त्या रोजच्या सरावाने घरातही विश्वासाने बागडतात, तेव्हा त्यांची किलबिल वास्तू शास्त्रानुसार अतिशय शुभ मानली जाते. पैशांशी संबंधित शुभवार्ता कळू शकते.