गुरु अस्त २०२५: आजपासून २७ दिवस फार महत्त्वाचे; नोकरी व्यवसायावर येऊ शकते गदा!

1 / 13

आज संध्याकाळी ७.३० वाजता गुरू ग्रह मिथुन राशीत मावळेल. २७ दिवसांसाठी गुरू अस्ताच्या अवस्थेत भ्रमण करेल आणि ९ जुलै रोजी पुन्हा मिथुन राशीत उदयास येईल. गुरू अस्ताचा हा २७ दिवसांचा काळ खूप महत्वाचा मानला जातो. या काळात सर्व राशींना गुरू अस्ताचे शुभ आणि अशुभ परिणाम मिळतील. गुरू मिथुन राशीत अस्त करत आहे. त्याचा परिणाम १२ राशींवर कसा होणार आहे ते पाहू.

2 / 13

मेष राशीसाठी तिसऱ्या घरात गोचर करताना गुरू ग्रह मावळत आहे. तिसऱ्या घरात तो अनुकूल मानला जात नाही. अशा परिस्थितीत, गुरू काहीसे विरुद्ध किंवा कमकुवत परिणाम देतो. मिथुन राशीत गुरू मावळल्याने नकारात्मकता कमी होईल. तुमचे कोणतेही नुकसान होणार नाही. शेजारी आणि भावंडांशी संबंध सुधारण्याचे प्रयत्न सकारात्मक परिणाम देऊ शकतात. सरकारी कामातूनही सकारात्मकतेची अपेक्षा केली जाऊ शकते. काही प्रकरणांमध्ये तुम्हाला असे वाटेल की नशीब तुम्हाला साथ देत नाही, परंतु कठोर परिश्रम केल्याने सामान्यतः अनुकूल परिणाम मिळतील.

3 / 13

तुमच्यासाठी, दुसऱ्या घरात गोचर करताना गुरू ग्रह मावळत आहे. गुरूच्या अस्त स्थितीमुळे उत्पन्नाच्या स्रोतांवर थोडासा परिणाम होऊ शकतो, म्हणजेच आवक कमी होऊ शकते. कौटुंबिक बाबींमध्ये अनुकूलता कमी असल्याने, काही जुन्या कौटुंबिक समस्या पुन्हा उद्भवू शकतात. आर्थिक बाबींमध्येही अधिक काळजी घेण्याची गरज असेल. गुंतवणूक बाबतीत गांभीर्याने काम करणे आवश्यक असेल. नकारात्मकता राहणार नाही, परंतु सकारात्मकतेचा अभाव जाणवेल.

4 / 13

मिथुन राशीसाठी, तुमच्या पहिल्या भावात गुरू ग्रह गोचर करताना मावळत आहे. दैनंदिन नोकरीशी संबंधित बाबींमध्ये काही आळस नडू शकतो. सावध राहा. नोकरीवर गदा येईल असे वर्तन करू नका. विवाहेच्छुकांच्या लग्नकार्यात विलंब होऊ शकतो. मिथुन राशीत गुरू ग्रह गोचर होण्याचा कोणताही मोठा नकारात्मक परिणाम तुम्हाला दिसणार नाही. काही प्रकरणांमध्ये अडथळे दिसू शकतात. तर काही प्रकरणांमध्ये, सकारात्मक मार्ग यश मिळवून देण्यासाठी उपयुक्त ठरतील.

5 / 13

कर्क राशीच्या बाराव्या घरात गोचर करताना गुरू अस्त होत आहे. बाराव्या घरात गुरूचे गोचर चांगले मानले जात नाही, परंतु अशा परिस्थितीत काही प्रकरणांमध्ये लाभ संभवतो. जर तुमचे खर्च गेल्या काही दिवसांपासून वाढले असतील तर तुम्हाला त्यात घट दिसून येईल. जर कोणतेही काम तोट्यात चालले असेल तर ते नुकसान आता थांबू शकते. जर कोणत्याही कारणास्तव आरोग्य कमकुवत झाले असेल तर आता आरोग्य देखील सुधारू शकते. जर तुम्ही कर्ज घेण्याचा प्रयत्न करत असाल तर त्या प्रक्रियेत ,मात्र अडथळे येऊ शकतील. आळस तुमच्या कामाच्या आड येणार नाही यासाठी प्रयत्न करा.

6 / 13

सिंह राशीसाठी, गुरुचे स्थान नकारात्मक परिणाम आणणार नाही, परंतु सकारात्मकतेचा अभाव निर्माण करेल. प्रेमसंबंध, नातेसंबंधामध्ये अडथळे येतील. काही वेळेस गैरसमजामुळे नात्यातील तेढ वाढण्याची शक्यता आहे. शांतीने, सबुरीने मार्ग काढण्याचा प्रयत्न करा. विद्यार्थ्यांना कठोर परिश्रम करावे लागतील. आळस, नैराश्य वाढवणारा हा काळ असू शकतो. हनुमान चालीसा, रामरक्षा, अथर्वशीर्ष अशा स्तोत्रांचे नित्य पठण केले असता आळसावर मात करणे सोपे जाईल आणि मनाला उभारी मिळून अनुकूल वातावरण निर्माण करण्याची क्षमता वाढेल.

7 / 13

मिथुन राशीत भ्रमण करताना, गुरू तुमच्या कर्मभावात अस्त होत आहे. दहाव्या घरात गुरूचे भ्रमण प्रतिकूल ठरते. मानहानीचे प्रसंग, अनादर, वाद विवादाचे क्षण येतील त्यावर मौन ठेवून मात करा. कुठेही प्रत्युत्तर देणे टाळा. कौटुंबिक बाबतीतही वाद विवाद निर्माण झाल्यामुळे अस्थिरता जाणवू शकते. तिथेही शांत राहण्याची भूमिका घ्या. व्यावसायिकांना आणि नोकरदारांना अर्थार्जनाच्या दृष्टीने हा अनुकूल काळ आहे, परंतु गुंतवणुकीच्या बाबतीत सावध राहावे.

8 / 13

तूळ राशीसाठी, गुरू तुमच्या भाग्य भावात अस्त करत आहे. त्यामुळे होणारी कामे रखडण्याची शक्यता आहे. तुमची धार्मिक यात्रा योजना रद्द होऊ शकते किंवा त्यात काही विलंब होऊ शकतो. यशाच्यामार्गातही अडथळे येऊ शकतात. चांगली गोष्ट एवढीच की तुमचे स्पर्धक कमी होतील आणि शत्रूंची संख्या कमी होईल. आत्मविश्वास वाढेल त्यामुळे कोणत्याही नकारात्मक गोष्टींचा तुमच्या मनावर परिणाम होणार नाही.

9 / 13

वृश्चिक राशीच्या लोकांसाठी, तुमच्या आठव्या घरात गोचर करताना गुरू अस्त होत आहे. आरोग्य समस्या दूर होतील. सरकारी कामे सुरळीत होतील. अडकलेले पैसे देखील परत मिळू शकतात. घरच्यांशी मतभेद दूर होतील. आर्थिक बाबींमध्ये निष्काळजी राहू नये. कौटुंबिक संबंध सांभाळा. विद्यार्थ्यांनाही कठोर परिश्रम करावे लागतील. आवश्यक बाबतीत खबरदारी घेतल्यास, तुमच्या जीवनात सकारात्मकता वाढवू शकाल.

10 / 13

धनु राशीसाठी, सातव्या घरात गुरूचे भ्रमण करताना गुरू मावळत आहे.घराशी संबंधित काही समस्या निर्माण होऊ शकतात. मालमत्तेच्या बाबतीतही तुम्हाला काही अडचणी येऊ शकतात. महत्त्वाच्या कामात दिरंगाई होऊ शकते. धार्मिक यात्रा काही काळासाठी पुढे ढकलल्या जाऊ शकतात. आरोग्याची काळजी घ्यावी लागेल. कौटुंबिक सौख्य मिळेल, जोडीदाराचा सहवास सुखाचा ठरेल.

11 / 13

मकर राशीसाठी, सहाव्या घरात गुरूचे भ्रमण करताना गुरू अस्त होत आहे. सरकारी कामे होतील.मुलांशी संबंधित समस्या असतील दूर होतील. तुमचे आरोग्य देखील सुधारू शकते. वाद कमी होऊ शकतात. आत्मविश्वास वाढेल. लांब पल्ल्याच्या प्रवासात काळजी घ्या, अनुकूल लाभ होतील. हा काळ फायद्याचा, प्रसिद्धीचा आणि आर्थिक वाढीचा ठरू शकतो.

12 / 13

कुंभ राशीच्या पाचव्या घरात गोचर करताना गुरू मावळत आहे. या काळात अनुकूल घटना कमी घडतील. मानसिक चिंता वाढणार्‍या गोष्टी घडतील. पण संयम ठेवा कारण ही परिस्थिती फार काळ टिकणारी नाही.आर्थिक गुंतवणूक करताना सावधगिरी बाळगा. नोकरदार तथा व्यावसायिकांना संघर्ष करावा लागेल. मात्र परिश्रमाचे फळ उशिरा का होईना पण चांगलेच मिळेल.

13 / 13

गुरु तुमचा राशीचा स्वामी आहे आणि त्याची चौथ्या घरात स्थिती मिश्र परिणाम देऊ शकते. आरोग्याची पूर्ण काळजी घ्यावी लागेल. समाजातील तुमचे स्थान सांभाळा. हा काळ मानसिक ताण कमी करणारा ठरेल. विरोधकांचा विरोध मावळेल. मालमत्तेशी संबंधित अडचणी दूर होतील. आर्थिक दृष्ट्या लाभ देणारा हा काळ असेल. आईचे आरोग्य देखील सुधारू शकते. नवीन नोकरीसाठी प्रयत्न करत असल्यास यश मिळेल.