परभणी जिल्ह्यात गेल्या ५ दिवसांत पहिल्यांदाच रुग्णसंख्येत शुक्रवारी घट झाल्याचे दिसून आले. या दिवशी जिल्ह्यात २६३ कोरोनाबाधित रुग्ण आढळले. त्यात तब्बल १६७ रुग्ण हे फक्त परभणी शहर व तालुक्यात आढळले आहेत. याशिवाय सेलू तालुक्यात २७, पूर्णा तालुक्यात १५, जिंतूर तालुक्यात २२, गंगाखेड तालुक्यात १०, पाथरी, मानवत तालुक्यात प्रत्येकी २, सोनपेठ तालुक्यात ४ तर पालम तालुक्यात ६ रुग्ण आढळले आहेत. या व्यतिरिक्त हिंगोली, वाशिम जिल्ह्यातील रुग्णांची नोंद परभणीत झाली आहे. तसेच परभणी शहरातील जिल्हा सामान्य रुग्णालयात उपचार घेणारा १ पुरुष व २ महिला आणि खासगी रुग्णालयात उपचार घेणारा १ पुरुष व २ महिला अशा ६ जणांचा शुक्रवारी मृत्यू झाला. कोरोनावर मात केल्याने २५१ जणांना रुग्णालयातून सुट्टी देण्यात आली आहे. जिल्ह्यात आत्तापर्यंत १२ हजार २५८ कोरोनाबाधित रुग्ण आढळले असून त्यातील १० हजार ६२३ जणांनी कोरोनावर मात केली आहे. जिल्ह्यात आत्तापर्यंत ३७५ जणांचा कोरोनामुळे मृत्यू झाला आहे. सध्यस्थितीत १ हजार २६० रुग्णांवर विविध आरोग्य संस्थांमध्ये उपचार सुरु आहेत.
शुक्रवारी येथे आढळले रुग्ण
परभणी शहरातील लक्षी नगर, विद्या नगर, कच्छी बाजार, शिवराम नगर, कृषी सारथी कॉलनी, वांगी रोड, जिल्हा सामान्य रुग्णालय, व्यंकटेश नगर, त्रिमूर्तीनगर, काबरा प्लॉट, अनन्या हॉस्पिटल, संभाजी नगर, आनंद नगर, आमदार कॉलनी, रामकृष्णनगर, मेहराज नगर, सरस्वती नगर, तेली गल्ली, गव्हाणे चौक, रायपूर, पिंगळी, पंचशील नगर, लोहगाव, कल्याण नगर, राजपूत कॉलनी, संगम कॉलनी, पार्वती नगर, माळी गल्ली, डेंटल कॉलेज, कृषी नगर, विश्व कॉर्नर, शिवाजीनगर, श्रीकृष्ण नगर, शिवाजी रोड, श्रेयस कॉलनी, शिक्षक कॉलनी, पारीख कॉलनी, सेलू, माऊली नगर, सेलू, येलदरकर कॉलनी, भाग्यलक्ष्मी कॉलनी, परसावत नगर, गणेश नगर, सेलू, समता नगर, ग्रीन पार्क, जिंतूर, राजूर, गजानन नगर, जिंतूर, पिंपळगाव, गणेश नगर सेलू, दत्तनगर सेलू, पूर्णा तालुक्यातील गौर, सेलू येथील समता नगर, पिंपळगाव लिखा, सोनपेठ तालुक्यातील नरवाडी, कावलगाव, पालम तालुक्यातील पेंडू आदी ठिकाणी कोरोनाबधित रुग्ण आढळले.