Latest Oxygen News | Oxygen Marathi News | Latest Oxygen News in Marathi | ऑक्सिजन: ताज्या मराठी बातम्या

सिनेमात कसा एकदम हिरॉईनचा मेकओव्हर होतो आणि आधीची काकूबाई एकदम ब्यूटी क्वीनच दिसायला लागते. सगळे लोक तिला पाहून, तिची बदललेली पर्सनॅलिटी पाहून चकित होतात. तिला भाव द्यायला लागतात. असं काहीतरी आपल्याही आयुष्यात घडावं आणि आपणही स्वत:चा मेकओव्हर करावा असं अनेकांच्या मनात असतं. इन्स्टण्ट मेकओव्हरच्या टीप्स तर बहुतेक सगळ्यांनाच हव्या असतात.आपण स्मार्ट दिसावं असं वाटत असेल तर या काही गोष्टी तातडीनं करून पाहा.तुमची पर्सनॅलिटी कशी आहे?तुमची ओळख काय असं कुणी तुम्हाला विचारलं तर काय उत्तर द्याल? तुमचं व्यक्तिमत्त्व अर्थात तुमची पर्सनॅलिटी. तुम्ही राहणीमानानं व्यक्तिमत्त्व खुलवू शकता, पण पूर्णत: बदलू शकत नाही. त्यामुळे आपलं व्यक्तिमत्त्व, स्वभाव लक्षात घेता जर तुम्ही रातोरात बदलायचं ठरवलं तर तुम्ही अत्यंत फेक दिसाल. त्यामुळे मेकओव्हरचा विचार करताना, आपण मुळात कसे आहोत हे आधी नीट समजून घ्या. उदाहरणार्थ, तुम्ही थोडेसे लाजाळू असाल, नेहमी साधे, अगदी फिकट रंगाचे कपडे घालत असाल आणि एकदम तुम्ही भडक रंगाचे कपडे घालायला सुरुवात केली तर तुम्हाला पाहून लोकांना धक्काच बसेल. पण आपल्याला तोच जर बदल हवाय तर मग हळूहळू बदल करा. एकदम डार्क रंगाचे कपडेच घालण्यापेक्षा एखादाच बदल चांगला म्हणजे एखादं ब्राईट कलरचं गळ्यातलं, कानातलं किंवा एखादा टॉप एवढाच बदल सुरुवातीला करा. मग हळूहळू एकेक बदल करा, म्हणजे तो इतरांच्या आणि आपल्याही पचनी पडतो.तुम्ही काम काय करता? करणार आहात?कपड्यांचा कामाशी काय संबंध असं अनेकांना वाटतं. पण दिवसातला सर्वाधिक वेळ आपण आपल्या कामाच्या जागीच असतो. तुम्ही ज्या वातावरणात काम करता, तिथलं वातावरण साधं, काहीसं जुनाट किंवा लोकही साधेसेच कपडे घालून येतात असं असेल तर तुम्ही एकदम झ्ॉक कपडे घालून जाणं बरं दिसत नाही. एकदम सेण्टर ऑफ अँट्रॅक्शन व्हाल, जे योग्य नाही. पण म्हणून तुम्ही इतरांसाठी बोअर राहावं असं नव्हे. पण जे काय बदल कराल ते अगदी हळूहळू, इतरांच्या नजरेत खुपणार नाही असे करा. म्हणजे सुरुवात कानातल्या-गळ्यातल्यापासून, मग कपडे, मग हेअरस्टाईल बदला, मग मेकपमधे बदल करा. लोकांना सवय होऊ द्या, तुमच्या बदलत्या रूपाची.कम्फर्टेबल आहात?बर्याच मुलामुलींना झटका येतो, आपल्याला कुणी भाव देत नाही, मग आपण चेंज व्हायचं. ज्या मुली कधी स्लिव्हलेस पंजाबी ड्रेस घालत नाहीत त्या एकदम स्कर्ट घालू लागतात. खोल गळे, मोठ्ठाले कट्स, भडक कलर्स असं काहीतरी अंगावर चढवतात. तेच हाय हिल्स, ते घालून चालता येत नाही, पण तरी घालतात. मुलांचंही तेच, घट्ट बाह्यांचे तंग टीशर्ट घालतात. त्यानं तुम्ही अजून भयाण दिसतात. कम्फर्टेबल वाटत नसेल तर हे सारं घालू नका. जे कम्फर्टेबल ते आणि तेवढंच करा.हेअरस्टाईल आणि मेकपकुठलाच मेकओव्हर चांगल्या हेअरकट किंवा हेअरस्टाईलशिवाय पूर्ण होऊच शकत नाही. मुलींनी हेअरकट, मुलांनी दाढी, मिशी बदलल्याशिवाय बदल झालाय हे चटकन कळत नाही, लूक बदलत नाही. स्टायलिश कपडे आणि बोअर हेअरस्टाईल हे कॉम्बिनेशन एकत्र जातच नाही. त्यामुळे मेकओव्हर हवाच असेल तर उत्तम हेअरकट करा.मग तुम्हाला शोभतील असे परफेक्ट मापाचे कपडे घाला, कॉन्फिडन्स आणि चेहर्यावर झाला मेकओव्हर !- प्राची खाडेस्टायलिस्ट आणि पर्सनल शॉपर

Oxygen (Marathi News)

स्वत:चं रंगरुप बदलायचं म्हणून धडपडणारी तरुण गोष्ट नेमकी आहे काय? ...

तरुण शेतकर्‍याला भेटा ना कधीतरी! ...

स्मार्ट फोन वापरून काढलेल्या फोटोला द्यायचाय एखादा प्रोफेशनल लूक? ...

एका झटक्यात स्वत:चा रागरंग बदलून टाकायच्या काही इझी टीप्स ...