मी कुठला हेअर कट करू?
By Admin | Updated: February 26, 2015 21:22 IST2015-02-26T21:22:13+5:302015-02-26T21:22:13+5:30
आपल्या चेह:याला शोभून दिसेल असा हेअरकट कसा निवडायचा, हेच सांगणारे काही बेसिक नियम
मी कुठला हेअर कट करू?
अवतीभोवती पाहावं तर मैत्रिणींचे, सेलिब्रिटीजचे इतके सुंदर हेअरकट दिसतात. आणि आपण मात्र कुठला हेअरकट करावा हे कळत नाहीत.
त्यात दिसण्याबिसण्यासंदर्भात कुठलाही लेख वाचला तरी हेच सांगतात की, तुमच्या दिसण्यात तुमच्या हेअरकटचा वाटा सर्वाधिक मोठा आणि महत्त्वाचा असतो.
पण तरी मुख्य मुद्दा उरतोच की, आपल्याला कुठला हेअरकट चांगला दिसेल हे कसं ठरवायचं? फॅशन काही का असेना, आपल्याला काय चांगलं दिसेल, हे कसं ओळखायचं!
खरंतर हेअरकटसंदर्भात अनेक प्रयोग करून, त्यातून लूक चेंज करून पाहायला हरकत नाही. पण तरीही हेअरकट कुठला करायचा, हे ठरवताना आपण काही नियम कायमस्वरूपी पाठ केल्यासारखे जर लक्षात ठेवले तर आपला हेअरकट सहसा चुकणार नाही, उलट आपल्याला एक उत्तम लूक मिळू शकेल.
त्यासाठीच हे काही नियम.
1) आपल्या केसांचा प्रकार, पोत, थिकनेस तसंच चेहरा, मान, खांद्याचा आकार या गोष्टी हेअरकट ठरवताना अत्यंत महत्त्वाच्या!
2) गालाचा तसेच जीवणीचा भाग खूप मोठा असेल तर त्या भागाला कव्हर करेल इतपत चेह:याच्या पुढच्या केसांची उंची असावी.
3) माथ्यावर केस विरळ असतील तर तिथल्या भागात शक्यतो थोडे लेअर्स द्यावेत.
4) ज्यांचे कपाळ खूप मोठे असेल त्यांनी कपाळाचा थोडा भाग कव्हर करण्याकरता फ्लिक्स करावेत किंवा फ्रिजेस करावेत.
5) चेहरा खूप उभा असेल तर शक्यतो पुढचे केस जिवणीर्पयत घेऊन मग मागच्या बाजूच्या केसांना स्टाईल करावी जेणोकरून चेहरा लांबुळका दिसणार नाही, उलट त्याला सुंदर आकार मिळेल.
6) कुठलाही हेअर कट किंवा मेकअप यांच्या मदतीनं आपला चेहरा ओव्हल कसा दिसेल याकडे लक्ष द्यावे. ओव्हल आकाराचा चेहरा कायम सुंदर दिसतो.
7) ज्यांचा चेहरा खूप छोटा आहे त्यांनी चेह:यावर फार केस येऊ देऊ नये नाहीतर चेहरा अजून लहान दिसतो.
8) हे किमान नियम ठेवले तर तुम्ही कुठलाही हेअरकट करा, तो चांगलाच दिसेल. कारण प्रत्येक चेह:याप्रमाणं हेअरकट बदलतो, पण हे काही बेसिक नियम आहेत, ते बदलत नाहीत. त्यांचा विचार करून मगच स्वत:साठी हेअरकट निवडा!
