इमेजमधून टेक्स्ट कसं कॉपी करणार?

>शैल्या जाम अस्वस्थ होता. प्रोजेक्टचं सबमिशन दोन दिवसांवर येऊन पोचलं होतं. थर्मोडायनामिक-आधारित प्रोजेक्ट असल्यानं एक विशिष्ट पुस्तक त्याला प्रोजेक्ट लिहिण्यासाठी आवश्यक होतं. दोन ब्रिटिश ऑथर्सची पुस्तक होती त्याच्याकडे; पण त्यातली भाषा डोक्यात शिरत नव्हती. आणि डोक्यात न शिरलेलं कागदावर उतरवलं तर ‘ओरल’मधे भलतीच वाट लागली असती. याच प्रोजेक्टसाठी महत्प्रयासानं मिळवलेलं एका आपल्याकडच्या लेखकाचं पुस्तक त्यानं सहज बघण्यासाठी म्हणून पुढच्या वर्गात असलेल्या राहुलला दिलं आणि त्याला अचानक गावी जावं लागलं. त्याची आई आजारी असल्यामुळं तीन-चार दिवस तरी तो येऊ शकणार नव्हता. पुस्तक कुरिअरने पाठवावं म्हटलं तरी हातात फार वेळ नव्हता. त्यामुळे त्यानं राहुलला विनंती केली की, बाबा काहीही कर, पण त्यातली मला आवश्यक असलेली 1क्-12  पानं व्हॉट्स अॅपवर पाठव. राहुलने फोटो काढून ती पाठवली. पानं तर आली पण त्यातला टेक्स्ट त्याला कॉपी करणं शक्य नव्हतं. कारण व्हॉट्स अॅपवर पानांच्या इमेजेस आल्या होत्या. पुस्तक समोर असतं तर स्कॅन करून पीडीएफमधून थेट टेक्स्ट कॉपी करता आलं असतं. पण इमेजेसमधून टेक्स्ट कसं कॉपी करणार?