भिजून विरलेलं नातं..

>नेमका दिवस आठवत नाही. पण सकाळपासून रिमझिम सुरू होती. आदल्या दिवशी आमचं कडाक्याचं भांडण झालं होतं. प्रचंड उदास आणि अस्वस्थ होतो. तिला फोन केला तर तिचीही तशीच गत होती. तिला म्हणलो भेटायचंय तुला ती पण लगेच हो म्हणाली. नेहमीच्या  आईस्क्रीम पार्लरवर गेलो. ती आली. पण पार्लर बंद होतं. आमच्यामधील शांतता भयाण. तिला म्हणलो, ‘चल   लाँग ड्राइव्हला जाऊ.’ ती पण तयार झाली. तिच्या स्कूटीवर मी पुढे आणि ती मागे. ती माझ्यामागे बरंच अंतर ठेवून बसली होती. ते आमच्या नात्यामध्ये पडत चाललेलं अंतर होतं. फिरताना हळूहळू बोलायला लागलो आणि पावसात भांडण विरघळून गेलं. भर पावसात रस्त्यावर आमचीच गाडी.  पेट्रोल संपेपर्यंत खूप फिरलो.