143

पण आजचे ‘तरुण’ इतरांच्या भाषेपेक्षा वेगळे आहेत हे नक्की! बाकीचे लोक त्याला आळस म्हणोत नाहीतर भाषेचे हाल म्हणोत पण या नवीन भाषेनं घेतलेला आकार काहीसा वेगळा आहे हे तर मान्य करावंच लागेल! व्हॉट्स अॅपच्या जमान्यात तासन्तास टाइप करत बोलत रहायचं तर पहिली अडचण येते स्पेलिंग्जची. मोठमोठी स्पेलिंग्ज टाइप करण्याचा अनेकांना कंटाळा. त्यात स्पेलिंगची मोडतोड अनेकांना स्टायलिशही वाटते आणि घरच्यांनी काही पाहिले तरी त्यांना कळत नाही हे वेगळेच!

आणि त्यातून तयार झाली एक आजची चॅटभाषा.

विशेषत: सोशल मीडियावर वापरली जाणारी ही नवीन भाषा. सोशल मीडियावर एक चक्कर जरी मारली तरी ही भाषा आपोआपच लक्षात येईल. 

फेसबुक(FB), व्हॉट्स अॅप, टि¦टर, यू टय़ूब  (YT)  ब्लॉग यांचा वापर तरुणाईच्या आयुष्यातील अविभाज्य भाग झालेला आहे. चॅटिंग करताना मोठमोठे स्पेलिंग टाइप करण्यापेक्षा शब्दांचे शार्टकट्स वापरले जातात. यामुळे कमीतकमी शब्दात अर्थपूर्ण मेसेज पाठवता येतो. तसेच वेळेची बचतदेखील होते असे अनेकांचे ठाम मत. 

यासंदर्भात अनेक तरुण मित्र-मैत्रिणींशी गप्पा मारल्या. ते वापरत असलेले शब्द समजून घेतले. आणि त्यातून एक वेगळीच माहिती हाती आली. होतं काय की, या शॉर्टफॉर्ममध्ये लिहिण्याची इतकी सवय लागते की पूर्ण वाक्य, पूर्ण शब्द अनेकांना लिहिताच येत नाहीत. अनेकजण तर आता वर्गात नोट्सही या चॅटवाल्या भाषेतच घेऊ लागले आहेत. बी.कॉम. च्या दुस:या वर्षात असणारा स्वप्निल सांगतो की, रोजच्या चॅटिंगची इतकी सवय झालेली आहे.  कॉलेजमध्ये नोट्स लिहतानादेखील मी इंग्रजी शब्दांचे शॉर्टकट्स वापरतो. पण परीक्षेच्या वेळी चुकीचे स्पेलिंग लिहिल्यावर मार्क्‍स कट होतात. त्यामुळे या दोन्ही गोष्टींचे भान राखावे लागते.

मात्र अनेकजण फसतात इथेच. त्यांना फॉर्मल ईमेल्स, मेसेज एवढंच काय पण परीक्षेत पेपर लिहितानाही पूर्ण शब्द आठवत नाहीत. काहीजण तर इतके अॅडिक्ट की, आपल्याला ‘फॉर्मल’ लिहिता येतं याचाही विसर पडू लागला आहे.

शॉर्टकट मारण्याच्या नादात आपण भाषाच विसरतोय का याचं भान सुटू नये म्हणजे झालं!

 

 

प्रेमाची परिभाषाच या शॉर्टकट भाषेनं बदलवून टाकली आहे. आजची प्रेम व्यक्त करण्याची भाषाच निराळी आहे. 

त्या भाषेचं हे डिकोडिंग.

 

 * 143 हा नंबर म्हटला तर लव्ह बर्ड्सचा फेव्हरेट नंबर आहे. हल्ली प्रपोज करण्यासाठीदेखील ह्याच नंबरचा उपयोग केला जातो. म्हणून तर प्रपोज करताना म्हणतात-143 -  I love you.

 

* XBF -Ex-Boyfriend 

* XGF- Ex-GirlFriend  

* AML-All my love

*  2L8-Too LaTE 

* 2MR-Tomorrow 

* IMU-I Miss you 

*Jellz-Jealous 

* Rox-Rocks

 * chillax-chill & relax

 

       - दीपिका वाघ