कुस्तीपटू पूजा धांडाचा विक्रम; सहा वर्षांनंतर जागतिक स्पर्धेत भारताला पदक

भारताच्या पूजा धांडाने जागतिक अजिंक्यपद कुस्ती स्पर्धेत कांस्यपदकाची कमाई केली.

बुडापेस्ट : भारताच्या पूजा धांडाने जागतिक अजिंक्यपद कुस्ती स्पर्धेत कांस्यपदकाची कमाई केली. सहा वर्षांनंतर जागतिक स्पर्धेत भारतीय महिला कुस्तीपटूने जिंकलेले हे पहिलेच पदक ठरले. हरयाणाच्या 24 वर्षीय पूजाचे हे जागतिक स्पर्धेतील पहिलेच पदक आहे. 57 किलो वजनी गटातील कांस्यपदकाच्या लढतीत पूजाने नॉर्वेच्या ग्रेस बुलेनचा 10-7 असा पराभव केला. जागतिक अजिंक्यपद स्पर्धेत यापूर्वी भारताच्या अलका तोमर ( 2006), गीता फोगाट आणि बबिता फोगाट ( 2012) यांनी कांस्यपदकाची कमाई केली आहे.