मुंबई : आशियाई क्रीडा स्पर्धेत भारताला सुवर्ण पदक मिळवून देणारी कुस्तीपटू विनेश फोगाट हिचा लवकरच साखरपुडा होणार आहे. विनेश फोगाट हिने आपला जीवनसाथी निवडला असून त्याच्यासोबत तिने राहण्याचा निर्णय घेतला आहे. सध्या विनेश फोगाटने इन्स्टाग्राम अकाउंटवर आपल्या जोडीदारासोबतचे फोटो शेअर केले आहेत.
सोनीपतमध्ये राहणा-या सोमवीर राठीसोबत विवाह करण्याचा निर्णय विनेश फोगाटने घेतला आहे. सोमवीर राठी सुद्धा कुस्तीपटू आहे. त्याने नॅशनल चॅम्पियनशिपमध्ये कांस्य पदक पटकावले आहे. सध्या सोमवीर राठी राजस्थान येथे रेल्वेमध्ये टीटीईची नोकरी करत आहे. विनेश फोगाटने सोमवीर राठीसोबत इन्स्टाग्रामवर जास्तीत-जास्त फोटो शेअर केले आहेत. दरम्यान, तिचे काका सज्जन बलाली म्हणाले की, ती स्वत:चे निर्णय घेण्यासाठी सक्षम आहे.
सध्या सुरु असलेल्या आशियाई क्रीडा स्पर्धेत विनेश फोगाटने महिला कुस्तीमध्ये सुवर्ण पदकाची कमाई केली आहे. विनेश फोगाटने फ्री स्टाईल कुस्ती प्रकारामध्ये 50 किलो वजनी गटामध्ये सुवर्ण पदकाची केली आहे. तिने जपानच्या स्पर्धकाचा पराभव केला आहे.