युवीचा अभिनेत्री हेजल किचसोबत साखरपुडा ?

युवराज सिंग व अभिनेत्री हेजल किच यांचा इंडोनेशियातील बाली येथे साखरपुडा पार पडल्याचे वृत्त असून या सोहळ्याला दोघांच्या कुटुंबातील मोजकीच मंडळी उपस्थित होती असे सूत्रांनी सांगितले.

ऑनलाइन लोकमत

नवी दिल्ली, दि. १२ - हरभजन सिंगपाठोपाठ भारताचा क्रिकेटपटू युवराज सिंगही लवकरच लग्नाच्या बेडीत अडकण्याची शक्यता आहे. युवराज सिंग व अभिनेत्री हेजल किच यांचा इंडोनेशियातील बाली येथे साखरपुडा पार पडल्याचे वृत्त असून या सोहळ्याला दोघांच्या कुटुंबातील मोजकीच मंडळी उपस्थित होती असे सूत्रांनी सांगितले.

गेल्या काही महिन्यांपासून युवराज सिंग व बॉडीगार्ड फेम अभिनेत्री हेजल किच यांच्या प्रेमसंबंधाची चर्चा चांगलीच रंगली होती. हरभजन सिंगच्या विवाहसोहळ्यालाही हे दोघे जोडीने उपस्थित असल्याने हरभजनपाठोपाठ युवराजच्या लग्नाची चर्चा सुरु झाली होती. प्रसारमाध्यमांमधील वृत्तानुसार युवराज सिंग व हेजल किच यांचा साखरपुडा बालीतील बेटावर पार पडल्याचे समजते. या सोहळ्याला दोघांचे कुटुंबीय व युवराजचे निवडक मित्रच उपस्थित होते. अद्याप या वृत्तावर युवराज सिंग किंवा हेजल किच यांनी कोणतीही प्रतिक्रिया दिलेली नाही. युवराज व हेजलचा विवाह पुढील वर्षी होईल असे सूत्रांनी सांगितले.