इंडियन ओपन २०२२ स्पर्धेतील सायना नेहवालचे आव्हान दुसऱ्या फेरीत संपुष्टात आले. जागतिक क्रमवारीतील माजी नंबर वन खेळाडूला २० वर्षीय मालविका बनसोड ( Malvika Bansod) हिनं ३४ मिनिटांत पराभूत केले. महाराष्ट्रातील नागपूर येथील मालविकानं हा सामना २१-१७, २१-९ असा जिंकून स्पर्धेतील धक्कादायक निकालाची नोंद केली.
लंडन ऑलिम्पिक कांस्यपदक विजेत्या सायनानं बुधवारी पहिल्याच सामन्या झेक प्रजासत्ताकच्या टेरेझा स्व्हॅबिकोव्हाचा २२-२०, १-० असा पराभव केला. झेक प्रजासत्ताकच्या खेळाडूनं दुखापतीमुळे माघार घेतली. मालविकानं पहिल्या सामन्यात सामिया इमाद फारूकीवर २१-१८, २१-९ असा विजय मिळवला होता.