शोएब अख्तर झाला विवाहबद्ध

कराची, दि. २६ - 'रावळपिंडी एक्स्प्रेस' या नावाने प्रसिद्ध असलेल्या पाकिस्तानचा माजी तेज गोलंदाज शोएब अख्तर अखेर विवाहबंधनात अडकला आहे. शोएबने पख्तूनखवा प्रांतातील हरिपूर भागात राहणा-या २० वर्षीय तरूणीशी लग्न केले आहे. एका टीव्ही चॅनलच्या रिपोर्टनुसार, बुधवारी शोएब व रुबाब या दोघांचाही निकाह पार पडला. संबंधित टीव्ही चॅनलच्या वृत्तानुसार, लग्नात हक मेहरची पाच लाख रुपये रक्कमही दिली गेली.  या लग्नासाठी शोएबचे आई-वडिलही उपस्थित होते.