PKL 2019 : प्रो कबड्डीचा विजेता होणार मालामाल; खेळाडूंवरही वर्षाव! कोणाला किती मिळणार?

PKL 2019 : प्रो कबड्डी लीगच्या सातव्या मोसमाला शनिवारपासून सुरुवात होणार आहे आणि त्याचा अंतिम सामना 19 ऑक्टोबरला होणार आहे.

मुंबई, प्रो कबड्डी लीग 2019 : प्रो कबड्डी लीगच्या सातव्या मोसमाला शनिवारपासून सुरुवात होणार आहे आणि त्याचा अंतिम सामना 19 ऑक्टोबरला होणार आहे. प्रो कबड्डीच्या इतिहासात पाटणा पायरेट्स हा सर्वात यशस्वी संघ आहे आणि त्यांनी तीनवेळा जेतेपदाचा चषक उंचावला आहे. त्यांच्याशिवाय जयपूर पिंक पँथर्स, यू मुंबा आणि बंगळुरू बुल्स यांनी प्रत्येकी एक जेतेपद जिंकली आहेत. तेलुगू टायटन्स आणि यू मुंबा यांच्यात 20 जुलैला सलामीचा सामना हैदराबाद येथे होणार आहे. पहिल्याच दिवशी सध्याच विजेता बंगळुरू बुल्स आणि तीन वेळेचा विजेता पाटणा पायरेट्स यांच्यात दुसरा सामना खेळवण्यात येणार आहे.यंदाची लीग ही साखळी फेरीत खेळवण्यात येणार आहे. त्यामुळे प्रत्येक संघ एकमेकांशी दोनवेळा खेळेल आणि अव्वल सहा संघ प्ले ऑफसाठी पात्र ठरणार आहेत. प्रत्येक शहरात शनिवारी लीग लढतींना सुरुवात होईल, तर मंगळवार हा विश्रांतीचा दिवस असणार आहे. घरच्या मैदानावर खेळण्यापूर्वी संघाला चार दिवसांची विश्रांती मिळणार आहे. प्रो कबड्डीमध्ये यंदा एकूण 8 कोटी रुपयांच्या बक्षीसांचं वाटप होणार आहे. प्रो कबड्डीच्या विजेत्या संघाला 3 कोटी रुपये दिले जाणार आहेत, तर उपविजेता 1.80 कोटी घेऊन जाईल. याशिवाय लीगमधील सर्वोत्तम खेळाडूला 15 लाख आणि सर्वोत्तम चढाईपटू व बचावपटूला प्रत्येकी 10-10 लाख दिले जाणार आहेत.

 

संघाला मिळणारी बक्षीस रक्कम...विजेता        3 कोटीउपविजेता        1.80 कोटीतिसरा क्रमांक    1.20 कोटीचौथा क्रमांक    80 लाख5/6 क्रमांक    प्रत्येकी 35 लाख वैयक्तिक पुरस्कारमोस्ट व्हॅल्यूएबल खेळाडू    15 लाखसर्वोत्तम चढाईपटू        10 लाखसर्वोत्तम बचावपटू        10 लाखसर्वोत्तम पदार्पणवीर        8 लाखसर्वोतम पंच पुरुष        3.5 लाखसर्वोतम पंच महिला        3.5 लाख

 

सहभागी 12 संघपुणेरी पलटन, जयपूर पिंक पँथर्स, दबंग दिल्ली, बंगाल वॉरियर्स, बंगळुरु बुल्स, गुजरात फॉर्च्युनजायंट्स, हरयाणा स्टिलर्स, पाटणा पायरेट्स, तमीळ थलायव्हाज, यू मुंबा, यूपी योद्धा, तेलुगु टायटन्स