Latest Other Sports News | Other Sports Marathi News | Latest Other Sports News in Marathi | अन्य क्रीडा: ताज्या मराठी बातम्या

Paris Diamond League : पॅरिस ऑलिम्पिकमध्ये जागा मिळवणाऱ्या मराठमोळ्या अविनाश साबळेने रविवारी त्याचाच विक्रम मोडत ऐतिहासिक कामगिरी केली. त्याने डायमंड लीगमध्ये स्टीपल चेस प्रकारात केवळ ८ मिनिटे आणि ९.९१ सेकंदात अंतर गाठत ३००० मीटरच्या शर्यतीत सहावे स्थान पटकावले. यासह त्याने राष्ट्रीय विक्रम करताना त्याचा जुना विक्रम मोडला. खरे तर अविनाशने २०२२ मध्ये राष्ट्रीय विक्रम केला होता, जेव्हा तो ८.११.२० सेंकदात ३ हजार मीटर धावला होता. यावेळी त्याने १.५ सेकंदांचा कमी वेळ घेत हे अंतर पार केले. इथिओपियाचा अब्राहम सिम आणि केनियाचा आमोस सेरेम यांनी ८.०२.३६ या वेळेत अंतर गाठून अव्वल स्थान गाठले. तर केनियाच्या अब्राहम किबिवोटने ८.०६.७० वेळेसह तिसरे स्थान पटकावले. मूळचा बीड जिल्ह्यातील असलेल्या अविनाश साबळेने दोन वर्षांपूर्वी बर्मिंगहॅम येथे २०२२ च्या राष्ट्रकुल क्रीडा स्पर्धेत रौप्य पदक जिंकून राष्ट्रीय विक्रम केला होता. त्याने दहाव्यांदा राष्ट्रीय विक्रम करण्याची किमया साधली आहे. दरम्यान, अविनाश १२वी उत्तीर्ण झाल्यानंतर इंडियन आर्मीमध्ये दाखल झाला. लष्करासाठी अविनाशने सियाचीनच्या बर्फाळ हिमनदीपासून ते राजस्थानच्या वालुकामय भागापर्यंत देशाची सेवा केली. आर्मीमध्ये असताना २०१५ मध्ये त्याने ॲथलीट होण्याचा निर्णय घेतला. १३ सप्टेंबर १९९४ रोजी महाराष्ट्रातील बीड जिल्ह्यातील मांडवा गावात जन्मलेला हा तरुण आता देशाची शान बनला आहे. शेतकरी कुटुंबातून आलेल्या अविनाशला लहानपणी शाळेत जाण्यासाठी ६ किलोमीटर चालत जावे लागे, त्यामुळे तो धावतच जायचा आणि तेथूनच त्याच्यात रेसिंगची आवड कायम राहिली. २०१७ मध्ये आर्मीचे प्रशिक्षक अमरीश कुमार यांनी अविनाशला स्टीपल चेसमध्ये धावण्यास सांगितले आणि त्यानंतर अविनाशने मागे वळून पाहिले नाही.

Other Sports (Marathi News)

राज्यातील बारा खेळाडूंमध्ये समावेश ...

Germany Thomas Muller retirement: २०१४च्या फुटबॉल विश्वविजेत्या संघात त्याचा समावेश होता ...

Euro 2024 England Record: स्पेनच्या संघाने रविवारच्या फायनलमध्ये इंग्लंडला २-१ने केलं पराभूत ...

पॅरा बॅडमिंटन स्टार मानसी जोशीने माजी क्रिकेटपटूंवर नाराजी व्यक्त केली. ...

Zhiying Zeng Olympic Debut at 58 : येत्या २६ जुलैपासून पॅरिस ऑलिम्पिकला सुरुवात होत आहे. ...

paris olympics 2024 india : २६ जुलैपासून पॅरिस ऑलिम्पिकला सुरुवात होत आहे. ...

मराठमोळ्या अविनाश साबळेने रविवारी त्याचाच विक्रम मोडत ऐतिहासिक कामगिरी केली. ...