मेरीने देशाला समर्पित केले सहावे ऐतिहासिक जेतेपद

हा विजय मी भारत आणि देशवासियांना समर्पित करते, असे मेरीने सामना जिंकल्यावर सांगितले.

ठळक मुद्देमेरीने तब्बल 16 वर्षांपूर्वी पहिले जेतेपद पटकावले होते.मेरी आता 35 वर्षांची असून तिचे हे सहावे जेतेपद ठरले आहे.

नवी दिल्ली : भारताची अव्वल महिला बॉक्सर मेरी कोमने सहाव्यांदा विश्व अजिंक्यपद स्पर्धा जिंकत  ऐतिहासिक कामगिरी केली आहे. हा ऐतिहासिक विजय मेरीने आपल्या देशाला समर्पित केला आहे. हा ऐतिहासिक विजय माझ्या देशाचा आहे. हा विजय मी भारत आणि देशवासियांना समर्पित करते, असे मेरीने सामना जिंकल्यावर सांगितले.

I would like to dedicate this win to my country: Boxer Mary Kom after winning gold in Women's World Boxing Championships against Hanna Okhota pic.twitter.com/XJEFlD77Bd

— ANI (@ANI) November 24, 2018

सुपरस्टार एम. सी. मेरी कोम (४८ किलो) हीने आपल्या सहाव्यांदा जगज्जेतेपदाला गवसणी घातली आहे. विश्व अजिंक्यपद बॉक्सिंग स्पर्धेच्या अंतिम फेरीत  मेरीने युक्रेनच्या हॅना ओखोटाला 5-0 असे पराभूत करत जेतेपदाला गवसणी घातली आणि इतिहास रचला.

A proud moment for Indian sports.

Congratulations to Mary Kom for winning a Gold in the Women’s World Boxing Championships. The diligence with which she’s pursued sports and excelled at the world stage is extremely inspiring. Her win is truly special. @MangteC

— Narendra Modi (@narendramodi) November 24, 2018

 

मेरीने तब्बल 16 वर्षांपूर्वी या स्पर्धेत पहिले जेतेपद पटकावले होते. मेरी आता 35 वर्षांची आहे आणि तिचे हे सहावे जेतेपद ठरले आहे. मेरीने 2001, 2002, 2005, 2006, 2008, 2010 या वर्षांमध्ये यापूर्वी जेतेपद पटकावले होते.