कोलकाता नाइट रायडर्सचा रॉयल चॅलेंजर्स बंगलोरवर दणदणीत विजय

कॅप्टन गंभीरच्या नेतृत्वात कोलकाता नाइट रायडर्सनं रॉयल चॅलेंजर्स बंगळुरूनं दिलेल्या 186 धावांचा पाठलाग करताना 5 गडी राखून शानदार विजय मिळवला आहे.

ऑनलाइन लोकमत

बंगलोर, दि. 2- आयपीएलच्या नवव्या सीझनमध्ये कॅप्टन गंभीरच्या नेतृत्वात कोलकाता नाइट रायडर्सनं रॉयल चॅलेंजर्स बंगळुरूनं दिलेल्या 186 धावांचा पाठलाग करताना 5 गडी राखून शानदार विजय मिळवला आहे.

कोलकाता नाइट रायडर्सनं 19.1 षटकांत 5 गड्यांच्या मोबदल्यात 189 धावा केल्या आहेत.कोलकाता नाइट रायडर्सच्या कॅप्टन गंभीरनं धडाकेबाज सुरुवात करत 29 चेंडूंत 4 चौकार आणि 1 षटकार लगावत 37 धावांची आघाडी उभी केली. उथप्पा 1, पांडे 8, यादव 7 धावा काढून तंबूत परतले. लियाननं 12 चेंडूंत 1 षटकार खेचत 15 धावा काढल्या आहेत.

पठाणनं नाबाद खेळत 29 चेंडूंत 6 चौकार आणि 3 षटकारासह संघाला विजय मिळवून दिला आहे. तर रुसेलनंही 24 चेंडूंत 1 चौकार आणि 4 षटकार खेचत 39 धावांची आघाडी उभी केली.त्यामुळेच कोलकातानं कॅप्टन गंभीरच्या नेतृत्वात विजय मिळवला आहे.  

 कर्णधार विराट कोहली, के राहूल आणि शेन वॅटसनच्या दमदार खेळीच्या जोरावर आरसीबीने निर्धारीत २० षटकात ७ गड्यांच्या मोबदल्यात १८५ धावा केल्या होत्या. केकेआरला विजयासाठी २० षटकात १८६ धावांची गरज होती. 

स्फोटक फलंदाज ख्रिस गेल लदकर बाद झाल्यानंतर RCB संघावर थोडे दडपण आले पण. कर्णधार कोहली आणि के. राहूल यांनी सुरवातीला संयमी फलंदाजी करताना दुसऱ्या विकेटसाठी ९.४ षटकात ८४ धावांची भागीदारी केली. के राहूलने स्फोटक फलंदाजी करताना ३२ चेंडूत ५२ धावा केल्या. के राहूल बाद झाल्यानंतर आलेला डिव्हीलर फार काळ मैदानावर टिकला नाही धावसंख्या वाढवण्याच्या प्रयत्नात ४ धावावर बाद झाला. कोहलीने कर्णधाराला साजेशी फलंदाजी करताना संयमी ५२ धावांची खेळी केली.

 

आघाडीचे सर्व फलंदाज बाद झाल्यानंतर शेन वॅटसनने सचिन बेबीला सोबत घेत हाणामारीच्या षटकात धावसंख्या वाढवण्याचे काम चोख बजावले. वॅटसन-सचिन बेबीने ५व्या विकेटसाठी २.२ षटकात ३८ धावांची भागीदारी केली. वॅटसनने २१ चेंडूत ५ चौकार आणि १ षटकाराच्या मदतीने ३४ धावा केल्या. सचिन बेबीने ८ चेंडूत १६ धावा केल्या. त्याने २ चौकार आणि १ षटकात लगावला. बेबी बाद झाल्यानंतर फलंदाजीसाठी उतरलेल्या बिन्नीने ४ चेंडूत १६ धावा केल्या. 

 

केकेआरकडून स्फोटक फलंदाज एबी डिव्हिलर्स आणि के. राहूलला चावलाने बाद केले. तर ख्रिस गेल आणि कर्णधार कोहलीला मॉर्केलने बाद केले. चावला-मॉर्केल सोडता इतर गोलंदाजाना आपली छाप सोडता आली नाही. १९ व्या षटकात रसेलने सचिन बेबीला बाद केले. तोपर्यंत सचिन बेबीने आपले काम फत्ते केले होते. यादवने ४ षटकात ५६ धावांच्या मोबदल्यात १ गडी बाद केला.