तिस-या दिवसाखेर भारत ४ बाद १९०, ४०३ धावांची आघाडी

कर्णधार कोहली (नाबाद ८३) व अजिंक्य रहाणे (नाबाद ५२) यांच्या खेळीच्या जोरावर तिस-या दिवसाखेर भारताने ४ गडी गमावून १९० धावा करत एकूण ४०३ धावांची आघाडी घेतली.

ऑनलाईन लोकमत 

नवी दिल्ली, दि. ५ - कर्णधार विराट कोहली (नाबाद ८३) व अजिंक्य रहाणे (नाबाद ५२) यांच्या खेळीच्या जोरावर तिस-या दिवसाखेर भारताने ४ गडी गमावून १९० धावा करत एकूण ४०३ धावांची आघाडी घेतली. रहाणे व कोहलीने पाचव्या विकेटसाठी नाबाद १३३ धावांची भागीदारी केली.

पहिल्या डावाप्रमाणे दुस-या डावातही भारताची सुरुवात अडखळत झाली होती. विजय (३) व रोहित शर्मा (०) हे आघाडीचे फलंदाज पटापट बाद झाल्याने भारताची स्थिती  २ बाद ८ धावा अशी बिकट झाली. मात्र त्यानंतर शिखर धवन (२१) आणि चेतेश्वर पूजाराने (२८)  डाव सावरत भारताला अर्धशतकी धावसंख्या गाठून दिली. पण त्यानंतर लगेच धवन व पुजारा बाद झाले आणि भारताची अवघ्या ५७ धावांत चार गडी गमावले.

दक्षिण आफ्रिकेतर्फे मॉर्केलने ३ तर इम्रान ताहिरने १ बळी टिपला.