दिल्ली डेअरडेव्हिलचा गुजरात लायन्सवर दिमाखदार विजय

दिल्ली डेअरडेव्हिल्स 2 गड्यांच्या मोबदल्यात गुजरात लायन्सनं दिलेलं 149 धावांचं आव्हान पार करून दिमाखदार विजय मिळवला आहे

ऑनलाइन लोकमत

राजकोट, दि. 3- दिल्ली डेअरडेव्हिल्स 2 गड्यांच्या मोबदल्यात गुजरात लायन्सनं दिलेलं 149 धावांचं आव्हान पार करून दिमाखदार विजय मिळवला आहे. दिल्ली डेअरडेव्हिल्सनं 17. 2 षटकांत 2 गडी गमावून 150 धावा केल्या आहेत. डी कॉकनं चांगली खेळी करत 42 चेंडूंत 4 चौकार आणि 1 षटकार लगावत 45 धावा कुटल्या आहेत. तर आर. आर. पंत 40 चेंडूंत 9 चौकार आणि 2 षटकार खेचत 69 धावा करून तंबूत माघारी परतला आहे.सॅमसननं नाबाद खेळत 13 चेंडूंत 1 चौकार आणि 1 षटकार लगावत 19 धावा केल्या आहेत. ड्युमिनीनं नाबाद 7 चेंडूंत 2 चौकार खेचत 13 धावा केल्या आहेत. गुजरात लायन्सकडून दिनेश कार्तिक आणि जडेजा दमदार फलंदाजीच्या जोरावर गृहमैदानावर निर्धारित २० षटकात ७ गड्यांच्या मोबदल्यात १४९ धावां केल्या. दिल्लीच्या गोलंदाजांनी सुरवातीपासूनच अचूक मारा करत गुजरातच्या तगड्या फलंदीजीला बांधून ठेवले. स्मिथ(१५) - मॅक्युलम(१) -फिंच (५) या स्फोटक फंलदाजांना ४ षटकातचं माघारी झाडण्यात दिल्लीला यश आले.

 आघाडीची फळी लवकर बाद झाल्यानंतर रैना-कार्तिकने संयमी धावसंख्या वाढवली. रैना कार्तिक जाडीने ७ षटकात ५१ धावांची भागीदारी केली. रैना धावसंख्या वाढवण्याच्या प्रयत्नात २४ धावावर बाद झाला. कार्तिकने चिवट फलंदाजी करताना ५ चौकारांच्या मदतीने ४३ चेंडूत ५३ धावांची उपउक्त खेळी केली. कार्तिक बाद झाल्यानंतर फॉक्नरही(७) स्वस्तात बाद झाला. जडेजाने ४ चौकार आणि १ षटकार लगावत २६ चेंडूत ३६ धावांची आक्रमक खेळी केली.  

 दिल्लीतर्फे नदीमने २ फलंदाजांना बाद केले. मॉरिस, झहीर खान, मिश्रा आणि शमीने प्रत्येकी १ फलंदाजांना बाद केले.