खेळाडूंचा डाटाबेस तयार करण्याचा निर्णय स्मार्ट सिटी: क्रीडा कृती समिती, निमंत्रक प्रकाश भुतडा यांची माहिती

स�

��लापूर :
सोलापूर शहराचा स्मार्ट सिटीत समावेश होणार असून, त्या पार्श्वभूमीवर क्रीडांगणासाठी मैदान, उपलब्ध सुविधा, खेळाडू, माजी खेळाडू यांचा डाटाबेस (माहिती गोळा करणे) तयार करण्याचा निर्णय शहरातील क्रीडा कृती समितीच्या बैठकीत घेण्यात आला़
स्मार्ट क्रीडांगणासाठी शहरातील काही क्रीडा संघटक, प्रेमींनी पुढाकार घेऊन चर्चेला सुरुवात केली आह़े त्याअंतर्गत रविवारी कृती समितीची बैठक झाली़ या बैठकीस निमंत्रक प्रकाश भुतडा, ज्येष्ठ क्रीडा संघटक ए़डी़ चिन्नीवार, चंद्रकांत रेम्बसरू, प्रा़ बाळासाहेब भास्कर, राजेंद्र गोटे, अनिल गिराम, प्रशांत कांबळे, डी़एस़ गुरव, सुहेल मुन्शी, व्यंकटेश जाधव, अजित पाटील, रवी बोड्ड, प्रताप यादव आदी उपस्थित होत़े
शहरात ठिकठिकाणी मैदाने असून, शाळा, महाविद्यालये, रेल्वे, महानगरपालिका, म्हाडा अशा संस्थांच्या ताब्यात ही मैदाने आहेत़ यातील काही मैदानांचा अपवाद वगळता इतर मैदानी दुर्लक्षित आहेत़ स्मार्ट सिटी अंतर्गत स्मार्ट क्रीडांगण योजनेच्या पार्श्वभूमीवर अशा मैदानांवरील मूलभूत सुविधांचा विकास करता येईल़ त्यातून खेळाडूंचा मैदानावरील वावर वाढवून शहराच्या क्रीडा विकासाला चालना मिळेल, असा सूर बैठकीत व्यक्त करण्यात आला़
यावेळी एम़ शफी, उदय जाधव, विठ्ठल सुतार, प्रशांत कांबळे, अनिल गिराम, चंद्रकांत रेम्बसरू, अनिल पाटील, दत्ता सांगनुरे यांच्याकडे विविध मैदानांची व खेळाडूंची माहिती एकत्रित करण्याची जबाबदारी सोपविण्यात आली़
संघटनांमधील हेवेदावे, राजकारण, मतभेद, नाराजी बाजूला सारून क्रीडाप्रेमी म्हणून सर्वांनी एकत्रित येण्याचे आवाहन प्रकाश भुतडा यांनी यावेळी केल़े पुढील बैठक दि़ 13 सप्टेंबर रोजी सकाळी 11 वाजता सोलापूर जिल्हा क्रिकेट असोसिएशनच्या कार्यालयात घेण्याचे ठरविण्यात आल़े (क्रीडा प्रतिनिधी)