ख्रिस गेल - विराट कोहलीचा धम्माल डान्स

सध्या आयपीएलचे नववे पर्व सुरु आहे. त्यामुळे क्रिकेटच्या मैदानात खेळाडूंची फटकेबाजी आपल्याला पाहायला मिळते आहेच. मात्र त्यांच्या फटकेबाजीनंतर त्यांची एक वेगळी

ऑनलाइन लोकमत

मुंबई, दि. २९ - सध्या आयपीएलचे नववे पर्व सुरु आहे. त्यामुळे  क्रिकेटच्या मैदानात खेळाडूंची फटकेबाजी आपल्याला पाहायला मिळते आहेच. मात्र त्यांच्या फटकेबाजीनंतर त्यांची एक वेगळी आणि हटकेबाज शैली आपल्याला पाहायला मिळाली तर नवलच वाटेल. 

रॉयल चॅलेंजर्स बंगळुरूचा फलंदाज ख्रिस गेल आणि विराट कोहली चक्क एका डान्स फ्लोअरवर थिरकले आहेत. विराट कोहलीला डान्स काही नवा नाही, त्याने याआधीही क्रिकेटर रोहित शर्माच्या संगीत सोहळ्यादरम्यान, अभिनेत्री सोनाक्षी सिन्हा हिच्यासोबत 'साडी के फॉल सा' या गाण्यावर डान्स केला होता. मात्र, गेल्या काही दिवसापूर्वी पिता बनलेल्या ख्रिस गेल याने एका कार्यक्रमादरम्यान, विराट कोहलीसोबत बेभान होऊन डान्स केला. या त्यांच्या डान्सचे सर्वत्र कौतुक होत आहे.

दरम्यान, त्यांच्या डान्सच्यावेळी शेन वॉटसनने गिटार वाजवून त्यांना साथ दिली. तसेच, या कार्यक्रमातील एक व्हिडिओ एबी डिलीव्हर्सने ट्विटरवर पोस्ट केला आहे. 

@DanielleDV27 singing Titanium with @ShaneRWatson33 last night.. Little AB saw his Mom perform for the 1st time pic.twitter.com/fxelZTlpdc

— AB de Villiers (@ABdeVilliers17) April 27, 2016