पुढचा बीसीसीआय अध्यक्ष सौरव गांगुली ?

नुराग ठाकूर यांना सर्वोच्च न्यायालयाने हटवल्यानंतर आता या पदासाठी माजी कर्णधार सौरव गांगुलीचे नाव आघाडीवर आहे.

ऑनलाइन लोकमत 

नवी दिल्ली, दि. 3 - बीसीसीआय अध्यक्षपदावरुन अनुराग ठाकूर यांना सर्वोच्च न्यायालयाने हटवल्यानंतर आता या पदासाठी माजी कर्णधार सौरव गांगुलीचे नाव आघाडीवर आहे. बीसीसीआय अध्यक्षपदाच्या शर्यतीत गांगुलीसह पाच उपाध्यक्षही आहेत. 

 

सौरव गांगुलीची बीसीसीआय अध्यक्षपदी नियुक्ती व्हावी अशी इच्छा माजी कर्णधार सुनिल गावस्कर यांनी व्यक्त केली आहे. दिल्ली क्रिकेट संघटनेचे पदाधिकारी सीके खन्ना, आसाम क्रिकेट असोशिएशनचे गौतम रॉय हे सुद्धा शर्यतीत आहेत. खन्ना आणि रॉय दोघेही दशकभरापासून राज्य क्रिकेट संघटनेशी संबंधित आहेत.