आनंद-कार्लसन डाव बरोबरीत

शेवटर्पयत विलक्षण चुरशीने खेळला गेलेला चौथा डाव अखेर बरोबरीत सुटला आणि सर्वानाच चुटपूट लागल्यासारखे वाटलं.

जयंत गोखले

शेवटर्पयत विलक्षण चुरशीने खेळला गेलेला चौथा डाव अखेर बरोबरीत सुटला आणि सर्वानाच चुटपूट लागल्यासारखे वाटलं. विश्वविजेता आणि जागतिक क्रमवारीतील अव्वल खेळाडू मॅग्नर्स कार्लसन आणि माजी विश्वविजेता विश्वनाथन आनंद यांच्यातील जागतिक अजिंक्यपद स्पर्धा प्रचंड उत्कंठावर्धक होऊ 

लागली आहे. 

दुस:या डावात काळी मोहरी घेऊन खेळताना आनंदने बर्लिन बचावाचा अवलंब केला होता; पण त्याची योजना पूर्णपणो यशस्वी होऊ शकली नाही. दुस:या डावातील पराभवाचा वचपा आनंद ज्या प्रकारे कालच्या डावात काढला. त्यावरून या लढतीतले पुढचे सामने किती रंगतदार होणार याची चुणूक आपण पाहिलीच.

आनंदने आज अखेर त्याच्या आवडत्या सिसीलीयन बचावाचा वापर केला. विविध बुद्धिबळतज्ज्ञदेखील आनंदने या बचावाचा वापर करावा, या मनाचे होते. कालच्या विजयामुळे आनंदला आवश्यक असलेला आत्मविश्वास मिळाला आणि आज त्याने कार्लसनला उघड-उघड आव्हान दिले. बुद्धिबळप्रेमी आणि अभ्यासकांची निराशा करत कार्लसनने आनंदचे आव्हान स्वीकारले नाही आणि डावाला एका रटाळ अशा पद्धतीत नेले. अशा प्रकारच्या योजना कार्लसनला खूप आवडतात आणि मागच्या वेळच्या अनुभव लक्षात घेता आनंद या प्रकारात कच खातो, असा असलेला कार्लसनचा होरा हे यामागचे गुपित होते.

उद्या सुट्टीचा दिवस आहे आणि नंतरच्या डावात आनंद पांढरी मोहरी घेऊन खेळणार आहे. आता आनंदच्या झंझावाताला कसे तोंड द्यायचे, हा प्रश्न कार्लसनला पडला असेल.

 

च्आज मात्र आनंदने सुरुवातीपासूनच आक्रमक धोरण ठेवून कार्लसनला गोंधळून टाकण्यात यश मिळविले. सिसीलीयनमधून फ्रेंचतराशमध्ये रूपांतरित झालेल्या ओपनिंगमधून आनंदने वजिराच्या पट्टीत आयसोलेटेड प्यादे स्वत:कडे घेतले आणि त्याच्याभोवती आपल्या सर्व मोह:यांची सुंदर व्यूहरचना केली.  

 

च्कार्लसनने विजयासाठी आटोकाट प्रयत्न केले; पण आनंदचा प्रतिहल्ला इतका अचूक आणि प्रखर होता, की कार्लसनची डाळ अजिबात शिजू शकली नाही. नंतर तर आनंदनेच एका प्याद्याचा बळी घेऊन विजयासाठी प्रयत्न सुरू केले होते. 

च्तेव्हा मात्र कार्लसनने आपल्या महत्त्वाकांक्षेला मुरड घातली आणि आनंदच्या राजाला सतत शह देऊन 47 व्या चालीला डाव बरोबरीत सोडविला. 12 डावांच्या लढतीत चौथ्या डावाअखेर दोन्ही खेळाडू प्रत्येकी दोन गुणांवर आहेत.