केकेआरसमोर १८६ धावांचे आव्हान
By Admin | Updated: May 2, 2016 21:37 IST2016-05-02T21:33:56+5:302016-05-02T21:37:12+5:30
कर्णधार विराट कोहली, के राहूल आणि शेन वॅटसनच्या दमदार खेळीच्या जोरावर आरसीबीने निर्धारीत २० षटकात ७ गड्यांच्या मोबदल्यात १८५ धावा केल्या. केकेआरला विजयासाठी २० षटकात १८६ धावांची गरज आहे.
केकेआरसमोर १८६ धावांचे आव्हान
बेंगळुरू. दि, २ : कर्णधार विराट कोहली, के राहूल आणि शेन वॅटसनच्या दमदार खेळीच्या जोरावर आरसीबीने निर्धारीत २० षटकात ७ गड्यांच्या मोबदल्यात १८५ धावा केल्या. केकेआरला विजयासाठी २० षटकात १८६ धावांची गरज आहे.
स्फोटक फलंदाज ख्रिस गेल लदकर बाद झाल्यानंतर RCB संघावर थोडे दडपण आले पण. कर्णधार कोहली आणि के. राहूल यांनी सुरवातीला संयमी फलंदाजी करताना दुसऱ्या विकेटसाठी ९.४ षटकात ८४ धावांची भागीदारी केली. के राहूलने स्फोटक फलंदाजी करताना ३२ चेंडूत ५२ धावा केल्या. के राहूल बाद झाल्यानंतर आलेला डिव्हीलर फार काळ मैदानावर टिकला नाही धावसंख्या वाढवण्याच्या प्रयत्नात ४ धावावर बाद झाला. कोहलीने कर्णधाराला साजेशी फलंदाजी करताना संयमी ५२ धावांची खेळी केली.
आघाडीचे सर्व फलंदाज बाद झाल्यानंतर शेन वॅटसनने सचिन बेबीला सोबत घेत हाणामारीच्या षटकात धावसंख्या वाढवण्याचे काम चोख बजावले. वॅटसन-सचिन बेबीने ५व्या विकेटसाठी २.२ षटकात ३८ धावांची भागीदारी केली. वॅटसनने २१ चेंडूत ५ चौकार आणि १ षटकाराच्या मदतीने ३४ धावा केल्या. सचिन बेबीने ८ चेंडूत १६ धावा केल्या. त्याने २ चौकार आणि १ षटकात लगावला. बेबी बाद झाल्यानंतर फलंदाजीसाठी उतरलेल्या बिन्नीने ४ चेंडूत १६ धावा केल्या.
केकेआरकडून स्फोटक फलंदाज एबी डिव्हिलर्स आणि के. राहूलला चावलाने बाद केले. तर ख्रिस गेल आणि कर्णधार कोहलीला मॉर्केलने बाद केले. चावला-मॉर्केल सोडता इतर गोलंदाजाना आपली छाप सोडता आली नाही. १९ व्या षटकात रसेलने सचिन बेबीला बाद केले. तोपर्यंत सचिन बेबीने आपले काम फत्ते केले होते. यादवने ४ षटकात ५६ धावांच्या मोबदल्यात १ गडी बाद केला.
नाईट रायडर्सने संघाने ७ सामन्यात ८ गुणांची कमाई केली असून, हा संघ गुणतालिकेत तिसऱ्या स्थानी आहे. या संघाने चार सामने जिंकले आहे तर तीन सामन्यांत त्यांना पराभव स्वीकारावा लागला आहे. आरसीबी संघाने सहा सामन्यांत केवळ दोन विजय मिळविले असून, चार गुणांसह गुणतालिकेत सातव्या स्थानी आहे. केकेआर आणि आरसीबी या दोन्ही संघांना गेल्या लढतींमध्ये अनुक्रमे दिल्ली डेअरडेव्हिल्स व सनरायझर्स हैदराबाद संघांविरुद्ध पराभव स्वीकारावा लागला.
