पनवेल एसटी स्टॅण्ड समोरील अनधिकृत गाळे हटविले

पनवेल एसटी स्टॅण्ड समोर अनेक वर्षांपासून अनधिकृतपणे उभे असलेले गाळे अखेर पालिकेने हटविले. शनिवारी पनवेल महानगरपालिका, एमएसआरडीसी, एमएमआरडीए

- लोकमत न्यूज नेटवर्क
पनवेल : पनवेल एसटी स्टॅण्ड समोर अनेक वर्षांपासून अनधिकृतपणे उभे असलेले गाळे अखेर पालिकेने हटविले. शनिवारी पनवेल महानगरपालिका, एमएसआरडीसी, एमएमआरडीए व आयआरबी यांच्या संयुक्त विद्यमाने ही कारवाई करण्यात आली. दोन दिवस ही मोहीम चालणार असून, महाराष्ट्रभूषण नानासाहेब धर्माधिकारी उन्नत मार्गाच्या रखडलेल्या एका मार्गिकेच्या कामाला यामुळे गती मिळणार आहे.
पनवेल शहरातून जाणाऱ्या उड्डाणपुलाच्या एका बाजूचे काम अर्धवट स्थितीत असल्याने सदर काम पूर्ण करण्यामध्ये त्या मार्गावरील बेकायदेशीर उभारण्यात आलेली अतिक्र मणे त्रासदायक ठरत होती. त्या अनुषंगाने पनवेल महानगरपालिकेने वेळोवेळी सूचना, नोटिसा देऊनसुद्धा ही अतिक्र मणे काढण्यात येत नव्हती. पनवेल महानगरपालिका, एमएसआरडीसी, एमएमआरडीए व आयआरबी यांच्या संयुक्त विद्यमाने एसटी स्टॅण्डसमोरील बांधकामे, तसेच लक्ष्मी वसाहत परिसरातील रस्त्यालगतची बांधकामे जमीनदोस्त करण्यात आली. यासाठी जेसीबी तसेच अतिक्र मण विभागाचे अधिकारी व कर्मचारी इतर विभागाचे अधिकारी व कर्मचारी, पनवेल शहर पोलिसांचे विशेष पथक तैनात करण्यात आले होते. या वेळी स्वत: आयुक्त डॉ. सुधाकर शिंदे या कारवाईवर लक्ष ठेवून होते. काही ठिकाणी या कारवाईला विरोध करण्याचा प्रयत्न झाला; परंतु या विरोधाला न जुमानता ही कारवाई धडकरीत्या राबविण्यात आली व अवघ्या काही तासांतच हा परिसर मोकळा करण्यात आला.