तत्कालीन ग्रामपंचायत पदाधिकारी अडचणीत,सरपंचासह सदस्यांवर गुन्हा दाखल

कामोठे ग्रामपंचायतीत त्यावेळी मोठ्या प्रमाणात गैरव्यवहार झाल्याची आमदार प्रशांत ठाकूर यांनी विधानसभेत लक्षवेधी मांडली होती. त्यानुसार राज्याच्या ग्रामविकास विभागाने या आरोपांची चौकशी करण्याचे आदेश निर्गमित केले होते.

कळंबोली : कामोठे ग्रामपंचायतीत त्यावेळी मोठ्या प्रमाणात गैरव्यवहार झाल्याची आमदार प्रशांत ठाकूर यांनी विधानसभेत लक्षवेधी मांडली होती. त्यानुसार राज्याच्या ग्रामविकास विभागाने या आरोपांची चौकशी करण्याचे आदेश निर्गमित केले होते. चौकशीमध्ये त्यात बरचशे तथ्य आढळल्याने गटविकास अधिकाºयाने तत्कालीन सरपंच आणि १४ सदस्यांवर सोमवारी फौजदारी गुन्हे दाखल केले. त्यामुळे पनवेलच्या राजकारणात खळबळ उडाली आहे.एक लाखापेक्षा जास्त रकमेची खरेदी करायची असल्यास नियमानुसार ई-टेंडर काढणे बंधनकारक आहे. मात्र कामोठे ग्रामपंचायतीच्या सरपंच आणि त्यांच्या सहकाºयांनी नियम धाब्यावर बसवून खुर्च्यांची खरेदी केली. यासाठी ७ लाख १७ हजार १६२ रूपये खर्च दाखवण्यात आला. तसेच ठेकेदाराने विलंबाने खुर्च्या पुरवठा करूनही त्यांच्याकडून कोणताही दंड आकारला नाही. ४५०० आणि ५००० अशा दोन टप्प्यात खरेदी केलेल्या खुर्च्यांची किंमत वेगवेगळी लावण्यात आली आहे. याशिवाय ग्रामपंचायतीने खरेदी केलेली व्यायामाचे साहित्य देखील नियमबाह्य खरेदी केल्याचा आरोप चौकशीत सिध्द झाला आहे. याकरिता आमदार प्रशांत ठाकूर यांनी विधानसभेत चौकशीची मागणी केली होती. त्यानुसार राज्याचे ग्रामविकास मंत्री पंकजा मुंडे यांनी चौकशीचे आदेश दिले होते. त्याप्रमाणे स्थानिक निधी लेखा संचालनालयाचे संचालक यांच्या आदेशानुसार विशेष पथक नेमून लेखापरीक्षण करण्यात आले.२०१३ ते २०१५ दरम्यान झालेल्या या गैरव्यवहाराची चौकशी करण्यात आली. त्यामध्ये अनेक ठपके ठेवण्यात आले आहे. ठेकेदाराने खुर्च्या पुरविण्यास विलंब करूनही ग्रामपंचायतीने प्रतिआठवडा ०.५ इतका दंड आकारला नाही. त्यामुळे १ लाख २६ हजार ५६२ रूपयांचे नुकसान झाले. चौकशी पूर्ण झाल्यानंतर पनवेल पंचायत समितीचे गटविकास अधिकारी डी. एन. तेटगुरे यांच्या फिर्यादीनुसार ग्रामसेवक प्रकाश चांगा म्हात्रे, तत्कालीन सरपंच बेबी म्हात्रे, उपसरपंच के. के. म्हात्रे, सदस्य शंकर म्हात्रे, राकेश गोवारी, अनंत भगत, सुनील ढेमरे, कमल म्हात्रे, कुसुम म्हात्रे, दिलीप पाटील, प्रदीप भगत, मालती गोवारी, रूपाली गोवारी, अश्विनी चिमणे, जयश्री गोवारी आदी पंधरा जणांविरोधात गुन्हा दाखल केला आहे.दोघे जण सध्याभाजपाचे नगरसेवकग्रामपंचायतीत गैरव्यवहार झाला तेव्हा कामोठे ग्रामपंचायतीत सदस्य असलेले तीन भाजपाचे सदस्य महापालिका झाल्यानंतर नगरसेवक झाले. कुसुम म्हात्रे, दिलीप पाटील, प्रदीप भगत अशी या नगरसेवकांची नावे आहेत.नियम पायदळी तुडवून ग्रामपंचायतीतील सदस्य आणि तत्कालीन सरपंचावर कारवाई झाली पाहिजे, कोणत्याही पक्षाचे असोत ग्रामपंचायतीच्या पैशात गैरव्यवहार झाला हा प्रकार चुकीचा आहे. आमच्या पक्षाचे लोक असले तरी त्यांच्यावर कारवाई व्हायला पाहिजे.- प्रशांत ठाकूर, आमदार, पनवेल.